IV Azııa Para oıyndary: Qazaqstan sportshylary 14 jarysqa qatysady (VIDEO)

22-28 qazan aralyǵynda Qytaıdyń Hanchjoý qalasynda IV Azııa Para oıyndary bolady. Osy jarysqa elimizden 131 sportshy qatysyp, sporttyń 14 túrinen kúsh synasady. Olar 485 medal úshin jarysady. Qazaqstan sportshylary jarystyń para taekvondo, para velosport, para kanoe, para eskek esý jáne bochcha túrinen Azııa para oıyndarynda alǵash ret óner kórsetedi.

Oıyndardyń ashylýy men jabylýy saltanatynda elimizdiń týyn ustaýshylar voleıboldan Azııa chempıonatynyń kúmis júldegeri parasportshymyz Janǵalı Súıeýov jáne para ústel tennısinen halyqaralyq jarystardyń chempıony Altynaı Erjanqyzy.

Bul týraly týrızm jáne sport vıe-mınıstri Sársen Quranbek aıtty. Onyń aıtýynsha, sportshylar jarysqa jaqsy daıyndyqpen bara jatyr.

Osy kúnge deıin 44 oqý-jattyǵý jıyny ótkizildi. Qazirgi tańda tikeleı osy oıyndarǵa qatysty 10 oqý-jattyǵý jıyn bolyp jatyr. Sportshylarymyz 47 startqa qatysty. Jalpy komandamyz jaqsy daıyndyqpen bara jatyr dep aıta alamyz. Biz 6 altyn júlde alyp, ótken Azııanyń Para oıyndaryna qaraǵanda kórsetkishimizdi jaqsartyp, 12-orynǵa shyǵamyz dep sportshylarǵa úlken úmit artyp otyrmyz, – dedi ol.

Paralımpıadashylardyń kıimine kelsek, vıe-mınıstr «QazSPO-N» JShS-nyń kıim tigip bergenin, sportshylardyń formasy osy kásiporynnan satyp alynǵanyn aıtty.

Biz memlekettik satyp alýlarda Qazaqstan Respýblıkasynyń zańnamasyn ustanamyz jáne soǵan sáıkes ulttyq komandalar birinshi kezekte otandyq kıim-keshekpen basqa da zattarmen qamtamasyz etiledi. Zańnamaǵa sáıkes biz qazaqstandyq óndirýshilerdiń kıim-keshegin, sporttyq formalaryn satyp alýymyz kerek. Bul jaǵdaı Qazaqstannyń jeńil ónerkásibine qoldaý kórsetý maqsatynda qarastyrylǵan. Sonymen qatar, QR zańnamasyna sáıkes ulttyq komandalarǵa arnalǵan kıim-keshek bir kózden balamaly tásilmen satyp alynady. Paralımpıadalyq ulttyq komandalarǵa arnap dál osy ádispen óndirýshilerden sporttyq formalar satyp alyndy. Olar kóp emes, naqty aıtatyn bolsaq, bul ZIBROO brendimen «QazSPO-N» JShS», – dedi Sársen Quranbek.

Paraazıadada jalpy sany sporttyń 22 túrinen 564 júlde jıyntyǵy oınatylatyn bolady. Atletter para dzıýdo, para paýerlıftıng, para júzý, para jeńil atletıka, para taekvondo, para oq atý, para sadaq atý, otyryp oınaý voleıboly, para ústel tennısi, para velosport, para akademııalyq esý, shahmat, bochcha, kanoe syndy jarystarǵa qatysady.

Eske sala keteıik, sportshylar men jattyqtyrýshylardy bir jolǵy qarjylaı qoldaý Azııa oıyndarynyń júldegerlerimen birdeı mólsherde bolady. Osylaısha, Azııa Para oıyndarynyń chempıony atanǵan sportshy 10 000 AQSh dollary kóleminde aqshalaı syıaqy alady. Al altyn medal ıegerin jarysqa daıyndaǵan jattyqtyrýshy – 5 000 AQSh dollary. Paraazıadanyń kúmis júldegeri 5 000 AQSh dollary, al onyń jattyqtyrýshysy 3 000 AQSh dollaryn alady. Sondaı-aq qola medal jeńip alǵan ulttyq quramanyń sportshysy úshin 3000 AQSh dollary kóleminde aqshalaı yntalandyrý jáne onyń jattyqtyrýshysy úshin 2 000 AQSh dollary kólemindegi syılyq qarastyrylǵan.

2018 jyly Indonezııanyń Jakarta qalasynda ótken Azııa Para oıyndaryna elimizden 9 sportshy qatysqan bolatyn. Jalpy sany 5 altyn, 15 kúmis, 13 qola medal jeńip alyp, jalpykomandalyq esepte Qazaqstan 13-orynnan kórindi.

Dastan KENJALIN,

ASTANA

FOTO: Týrızm jáne sport mınıstrliginiń Sportty damytý dırekııasy

 

View this post on Instagram

 

A post shared by SPORT KOMITETI (@committee_sport)