Erǵalı Shameı Azııa Para oıyndarynyń chempıony atandy

Qytaıdyń Hanchjoý qalasynda ótip jatqan Azııa Para oıyndarynda para dzıýdodan Qazaqstan sportshylary Erǵalı Shameı men Asylan Nurdáýletov fınalda tatamıge shyqty.

Bul jekpe-jekte Erǵalı Shameı jeńiske jetti. Sóıtip, ol Azııa Para oıyndarynyń chempıony atansa, Asylan Nurdáýletov kúmis medalge ıe boldy.

Bizdiń dzıýdoshylar taǵy da keremet nátıje kórsetti! Elimiz sizdermen maqtanady. Qazir búkil el sizderge jankúıer bolyp otyr. Aldaǵy týrnırlerde de Qazaqstan gımni shyrqala bersin! Jańa belesterdi baǵyndyryp, jarqyn jeńisterge jete berýlerińizge tilektespin, — dep Týrızm jáne sport mınıstri Ermek Marjyqpaev sportshylarǵa quttyqtaý hat joldady.

Osylaısha, para dzıýdoshylarymyz Qazaqstan komandasynyń qorjynyna úshinshi altyn jáne besinshi kúmis medaldi saldy.

Para Azııa oıyndary 22 qazanda bastaldy. Búgin, Oıyndardyń úshinshi kúni jaqsy nátıje kórsetti. Keshe de sportshylar elimizge birneshe júlde syılady. Paraazıada 28 qazanda aıaqtalady. Osy kezge deıin sportshylarymyz jarystyń 14 túrinen medaldardy sarapqa salady. Bıylǵy synǵa Qazaqstannan 131 sportshy qatysýda.

Dastan KENJALIN,

ASTANA

FOTO: Týrızm jáne sport mınıstrligi, aq kımonoda Erǵalı Shameı, kók kımonoda Asylan Nurdáýletov