پاراازيادادا قازاقستان قورجىنىنا تاعى ءبىر كۇمىس پەن ءۇش قولا جۇلدە ءتۇستى (فوتو)

بۇگىن ءتۇس اۋا قىتايدىڭ حانچجوۋ قالاسىندا ءوتىپ جاتقان IV پاراازيادادا ەلىمىزدىڭ تاعى بىرنەشە سپورتشىسى كۇمىس جانە قولا جۇلدەگە يە بولدى. بۇل جولى پارا تاەكۆوندودا كاميلا دوسمايىلوۆا ەكىنشى ورىن الدى.

ول فينالدا 44-57 كگ سالماق دارەجەسىندە يران سپورتشىسى روزا يبراحيميگە جول بەردى.

قولا مەدالدى پارادزيۋدوشىلار دينارا كۋدجۋلوۆا، باۋىرجان ارىستانبەكوۆ پەن دايانا فەدوسوۆا يەلەندى. دينارا 70 كەلىگە دەيىنگى سالماق دارەجەسىندە  وزبەكستاننىڭ وكىلى مۇحارراممحون ابدۋساماتوۆانى جەڭدى.

باۋىرجان ارىستانبەكوۆ J1 ساناتى بويىنشا 90 كگ سالماق دارەجەسىندە يندونەزيادان كەلگەن بالۋاننان باسىم ءتۇستى.

57 كگ سالماقتا ونەر كورسەتكەن دايانا فەدوسوۆا (J2 ساناتى) ءۇندىستان سپورتشىسىن جەڭىپ، ءۇشىنشى ورىن الدى.

داستان كەنجالين،

استانا

فوتو: تۋريزم جانە سپورت مينيسترلىگى