رىباكينا WTA تۋرنيرىندە ءبىرىنشى ويىندا جەڭىلىپ قالدى

مەكسيكانىڭ كانكۋن قالاسىندا ءوتىپ جاتقان WTA قورىتىندى تۋرنيرىندە قازاقستاننىڭ ءبىرىنشى، الەمنىڭ 4-راكەتكاسى ەلەنا رىباكينا ءبىرىنشى ماتچىندا جەڭىلىپ قالدى.

رىباكينا الەمنىڭ 5-راكەتكاسى، امەريكالىق دجەسسيكا پەگۋلاعا 5:7، 2:6 ەسەبىمەن ەسە جىبەردى.

باكالار توبىندا الەمنىڭ 1-راكەتكاسى، بەلارۋس وكىلى ارينا سوبولەنكو رەيتينگتە 9-ورىندا تۇرعان گرەكيالىق ماريا ساككاريدى 6:0، 6:1 ەسەبىمەن باسىم ءتۇستى.

رىباكينا WTA قورىتىندى تۋرنيرىنە العاش رەت قاتىسىپ جاتىر. ەندى ول كەلەسى ويىنىن ماريا ساككاريمەن وتكىزەدى. سودان كەيىن ارينا سوبولەنكومەن كەزدەسەدى. تەننيسشىگە جارتىلاي فينالعا شىعۋ ءۇشىن وسى ەكى ماتچتى جەڭۋ كەرەك. وسى تەننيسشىنىڭ ءبارى ءبىر توپتتا وينايدى.

ەكىنشى توپتا يگا شۆەنتەك (2)، كوري گاۋفف (3)، ونس جابەر (7) جانە ماركەتا ۆوندروۋشوۆا (6) بار.

داستان كەنجالين،

استانا