SportPress.kz قازاقستان سپورت جاڭالىقتارى
اقتوبە قالاسىنداعى №2 بالالار جانە جاسوسپىرىمدەر سپورت مەكتەبىنىڭ فۋتبول الاڭى قايتا جاڭعىرتىلدى. جوبانىڭ نەگىزگى ماقساتى – فۋتبول ينفراقۇرىلىمىنىڭ ساپاسىن ارتتىرۋ جانە بۇقارالىق فۋتبولدى دامىتۋعا جاعداي جاساۋ، دەپ حابارلادى قازاقستان فۋتبول فەدەراتسياسى.
جاڭارتىلعان الاڭنىڭ اشىلۋىنا قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ، قازاقستان ۇلتتىق قۇراماسىنىڭ باس جاتتىقتىرۋشىسى ماگومەد اديەۆ پەن اقتوبە وبلىسى اكىمىنىڭ ورىنباسارى عالىمجان ەلەۋوۆ قاتىستى.
ەسكە سالا كەتسەك، بيىل قازاقستان فۋتبول فەدەراتسياسى مەملەكەت باسشىسىنىڭ بۇقارالىق سپورتتى دامىتۋ جونىندەگى تاپسىرماسىن ورىنداۋ اياسىندا ەلىمىزدەگى فۋتبول الاڭدارىن جاڭارتۋ باعدارلاماسىن ىسكە قوسقان بولاتىن. ءۇش جىلعا ارنالعان باعدارلاماعا ۋەفا قولداۋ كورسەتەدى.
ارايلى اقتوبە وڭىرىندە قازاقستان فۋتبول فەدەراتسياسىنىڭ قولداۋىمەن №2 بالالار جانە جاسوسپىرىمدەر سپورت مەكتەبىنىڭ فۋتبول الاڭى جاڭارتىلدى. بۇل – «الاڭ» جوباسى بويىنشا ەلىمىزدە پايدالانۋعا بەرىلگەن العاشقى فۋتبول الاڭى. بىزدىڭ ستراتەگيامىزدا كورسەتىلگەن باستى مىندەتتەر بالالار فۋتبولىن دامىتىپ، بۇقارالىق فۋتبول ءۇشىن قولايلى جاعداي جاساۋ. ەندى وسى الاڭدا بالالار جاتتىعۋ جاساپ، بۇقارالىق فۋتبولدان جارىستار ۇيىمداستىرىلادى. جاڭا الاڭدا قازاق فۋتبولىنىڭ بولاشاق جۇلدىزدارى شىعادى دەپ كامىل سەنەمىن!، – دەدى ادىلەت بارمەنقۇلوۆ.
بيىل اقتوبەدەن بولەك، الماتى، شىمكەنت قالالارى مەن جەتىسۋ وبلىسىندا دا فۋتبول الاڭدارى جاڭارتىلادى. قازىرگى ۋاقىتتا 2024 جىلعا ارنالعان فۋتبول الاڭدارىن جاڭارتۋعا وتىنىمدەر قابىلدانىپ جاتىر. كەلەسى جىلدىڭ وتىنىمدەرى وسى سىلتەمە ارقىلى 2023 جىلدىڭ 15 قاراشاسىنا دەيىن قابىلدانادى.
فوتو: قازاقستان فۋتبول فەدەراتسياسى
View this post on Instagram
