QFF ALAÑ jobasy boıynsha alǵashqy fýtbol alańyn ashty

Aqtóbe qalasyndaǵy №2 balalar jáne jasóspirimder sport mektebiniń fýtbol alańy qaıta jańǵyrtyldy. Jobanyń negizgi maqsaty – fýtbol ınfraqurylymynyń sapasyn arttyrý jáne buqaralyq fýtboldy damytýǵa jaǵdaı jasaý, dep habarlady Qazaqstan fýtbol federaııasy.

Jańartylǵan alańnyń ashylýyna Qazaqstan fýtbol federaııasynyń prezıdenti Ádilet Barmenqulov, Qazaqstan ulttyq quramasynyń bas jattyqtyrýshysy Magomed Adıev pen Aqtóbe oblysy ákiminiń orynbasary Ǵalymjan Eleýov qatysty.

Eske sala ketsek, bıyl Qazaqstan fýtbol federaııasy memleket basshysynyń buqaralyq sportty damytý jónindegi tapsyrmasyn oryndaý aıasynda elimizdegi fýtbol alańdaryn jańartý baǵdarlamasyn iske qosqan bolatyn. Úsh jylǵa arnalǵan baǵdarlamaǵa ÝEFA qoldaý kórsetedi.

Araıly Aqtóbe óńirinde Qazaqstan fýtbol federaııasynyń qoldaýymen №2 balalar jáne jasóspirimder sport mektebiniń fýtbol alańy jańartyldy.  Bul – «Alań» jobasy boıynsha elimizde paıdalanýǵa berilgen alǵashqy fýtbol alańy. Bizdiń strategııamyzda kórsetilgen basty mindetter balalar fýtbolyn damytyp, buqaralyq fýtbol úshin qolaıly jaǵdaı jasaý.  Endi osy alańda balalar jattyǵý jasap, buqaralyq fýtboldan jarystar uıymdastyrylady. Jańa alańda Qazaq fýtbolynyń bolashaq juldyzdary shyǵady dep kámil senemin!, – dedi Ádilet Bármenqulov.

Bıyl Aqtóbeden bólek, Almaty, Shymkent qalalary men Jetisý oblysynda da fýtbol alańdary jańartylady. Qazirgi ýaqytta 2024 jylǵa arnalǵan fýtbol alańdaryn jańartýǵa ótinimder qabyldanyp jatyr. Kelesi jyldyń ótinimderi osy silteme arqyly 2023 jyldyń 15 qarashasyna deıin qabyldanady.

FOTO: Qazaqstan fýtbol federaııasy

 

View this post on Instagram

 

A post shared by KFF | Kazakhstan Football Federation (@kff_resmi)