ءجاسوسپىرىم تەننيسشىلەر الەم چەمپيوناتىن جەڭىسپەن باستادى

تەننيستەن ەلىمىزدىڭ قىزدار قۇراماسى يسپانيانىڭ كوردوۆا قالاسىندا 16 جاسقا دەيىنگى جاسوسپىرىمدەر اراسىندا ءوتىپ جاتقان Billie Jean King Juniors Finals ءتۋرنيرىن جەڭىسپەن باستادى، دەپ حابارلادى قازاقستان تەننيس فەدەراتسياسى.

قىزدار قۇراماسى العاشقى ويىندا ارگەنتينا تەننيسشىلەرىن جەڭدى.

ماچتا ءبىرىنشى بولىپ كورتقا پولينا سلەپتسوۆا شىقتى. قازىر پولينا ITF Juniors رەيتينگىندە 224 كەلەدى. ول ITF تىزىمىندە 117-ونىدا تۇرعان سول ءايليندى 7:6 (9:7)، 6:3 ەسەبىمەن جەڭدى.

ەكىنشى ويىندا اناستاسيا كرىمكوۆا (576 ITF Juniors ranking) جوزەفينا ەستەۆيستەن (271 ITF Juniors ranking) 6:1، 3:6، 6:1 ەسەبىمەن باسىم ءتۇستى.

جۇپتىق سىندا ىڭكار دۇيسەباي مەن اناستاسيا كرىمكوۆا قارسىلاستارىنان جەڭىلدى. بۇل ماتچتا ەسەپ 5:7، 6:4، 10:12 بولىپ اياقتالدى.

جالپى ەسەپتە 2:1 ۇپايىمەن قازاقستان جاسوسپىرىمدەرى جەڭىسكە جەتتى.

كوماندالىق الەم چەمپيوناتىنىڭ ۆ توبىندا ۇلىبريتانيا مەن قازاقستان قۇرامالارى الدا كەلەدى. ۇلىبريتانيا كومانداسى ءبىرىنشى ماتچتا برازيليا وكىلەدرىن 3:0 ەسەبىمەن جەڭدى.

بۇگىن قازاقستان جاسوسپىرىمدەر قۇراماسى مەن برازيليا تەننيسشىلەرى كورتقا شىعادى.

قۇرامانىڭ باس جاتتىقتىرۋشىسى — مارات ءشارىپوۆ.