Jasóspirim tennısshiler álem chempıonatyn jeńispen bastady

Tennısten elimizdiń qyzdar quramasy Ispanııanyń Kordova qalasynda 16 jasqa deıingi jasóspirimder arasynda ótip jatqan Billie Jean King Juniors Finals týrnırin jeńispen bastady, dep habarlady Qazaqstan tennıs federaııasy.

Qyzdar quramasy alǵashqy oıynda Argentına tennısshilerin jeńdi.

Machta birinshi bolyp kortqa Polına Slepova shyqty. Qazir Polına ITF Juniors reıtınginde 224 keledi. Ol ITF tiziminde 117-onyda turǵan Sol Aılındi 7:6 (9:7), 6:3 esebimen jeńdi.

Ekinshi oıynda Anastasııa Krymkova (576 ITF Juniors ranking) Jozefına Estevısten (271 ITF Juniors ranking) 6:1, 3:6, 6:1 esebimen basym tústi.

Juptyq synda Ińkár Dúısebaı men Anastasııa Krymkova qarsylastarynan jeńildi. Bul matchta esep 5:7, 6:4, 10:12 bolyp aıaqtaldy.

Jalpy esepte 2:1 upaıymen Qazaqstan jasóspirimderi jeńiske jetti.

Komandalyq álem chempıonatynyń V tobynda Ulybrıtanııa men Qazaqstan quramalary alda keledi. Ulybrıtanııa komandasy birinshi matchta Brazılııa ókiledrin 3:0 esebimen jeńdi.

Búgin Qazaqstan jasóspirimder quramasy men Brazılııa tennısshileri kortqa shyǵady.

Quramanyń bas jattyqtyrýshysy — Marat Sháripov.