Bahodır Jalolov qaıtyp kásipqoı boksqa aýysatynyn aıtty  

О́zbekstannyń asa aýyr salmaqtaǵy boksshysy Bahodır Jalolov (2024 jylǵy Parıj Olımpıadasynan keıin qaıtyp kásipqoı boksqa aýysatynyn aıtty.

Ol Parıj Olımpıadasynyń chempıony atanǵannan keıin Aleksandr Ýsık, Taıson Fıýrı, Entonı Djoshýa sekildi kásipqoı bokstaǵy álem chempıondarymen qolǵap túısirgisi keletinin málimdedi.

Meniń aldaǵy maqsatym — Olımpıadanyń ekinshi altyn medalin jeńip alý. Odan keıin kásipqoı boksqa qaıtyp oralamyn. Aleksandr Ýsık, Taıson Fıýrı, Entonı Djoshýamen aıqasqym keledi. Men olarmen bokstasýǵa  daıynmyn, — dedi  Jalolov vRINGe.com saıtyna.

Bahodır Jalolov kásipqoı bokstaǵy úzilisten keıin 17 qarashada Tashkentte ońtústikafrıkalyq Krıs Tompsonmen judyryqtasady.

Eske salsaq, Jalolov 2020 jyly Tokıoda ótken Olımpııalyq oıyndardyń chempıony atanǵan. 2017, 2019, 2021 jyldary Azııa chempıony bolǵan. 2019, 2023 jyldary álem chempıony, 2022 jyly  Azııa oıyndaryn jeńip alǵan.

Dastan KENJALIN,

ASTANA