Rybakına úshin bar jaǵdaıdy jasap jatyrmyz — Tennıs federaııasy

Qazaqstan tennıs federaııasynyń vıe-prezıdenti Dıas Dosqaraev Bıllı Djın Kıng kýbogynyń fınaldyq kezeńine qatysqan el quramasynyń oıynyn qorytyndylady.

Ol Tennıs federaııasynyń atynan Qazaqstannyń áıelder  quramasynyń Ispanııanyń Sevılıa qalasynda ótip jatqan álem chempıonatyndaǵy sátsizdigin túsindirdi. Federaııanyń vıe- prezıdenti Qazaqstan tennıs quramasynyń «Bıllı Djın Kıng kýbogynyń» fınaldyq kezeńine jaqsy oıynshylarmen barǵanyn aıtty.  Onyń aıtýynsha, shyn máninde Bıllı Djın Kıng kýbogynyń fınaldyq kezeńine álemniń úzdik tennısshileri qatysady.

Federaııanyń ókili Qazaqstan quramasyna sáttilik jetispegenin jasyrmady. Ol aldymen jaraqatyna baılanysty Elena Rybakınanyń oınaı almaǵanyn tilge tıek etti. Sondaı-aq Qazaqstan tennıs federaııasynyń vıe-prezıdenti Rybakınanyń densaýlyǵy jaqsy, ózi babynda bolǵanda, álemniń kez kelgen tennısshisin jeńe alatynyn eskertti.

Elena Rybakınanyń Rolan Garros týrnırinen bastap jaraqatpen alysqanyn kórdik. Sonyń kesirinen Ýımbldon chempıony ataǵyn qorǵaı almady. AQSh-taǵy jarystar oıdaǵydaı nátıje bermedi. Soǵan qaramastan, biz onyń daıyndyǵy úshin barlyq múmkin jaǵdaıdy jasadyq. О́kinishke qaraı, korttyń sapasy nashar bolǵandyqtan, Meksıkanyń Kankýn qalasynda ótken WTA qorytyndy týrnırinde arqasynan jaraqat aldy. Lena Sevılıaǵa úlken úmitpen bardy. Daıyndaldy. Biraq ol oıynǵa 100 paıyz daıyn bolý kerek edi. Álemdik reıtıngte qansha joǵary tursań da, tolyq daıyn bolmasań, oınaı almaısyń. Komandalar quramyna qarasaq, Iga Shventek, Djessıka Pegýla, Korı Gaýff, Karolına Mýhova sııaqty mańdaıaldy tennısshiler barǵan joq. Al Rybakına bizben birge bolyp qana qoımaı, qosalqy quramda kortqa shyqqan tennısshilerimizdi qoldap otyrdy, — dedi Dıas Dosqaraev.

Onyń aıtýynsha, Elena Rybakına qashanda el quramasy úshin oınaýdy basty mindet dep esepteıdi. Buǵan byltyr Germanııamen matchta eki mańyzdy upaıdy komandasyna alyp bergeni dálel. Sonyń arqasynda Qazaqstan álem chempıonatynyń fınaldyq kezeńine joldama aldy. Bıyl da Polshamen kezdesýde dál solaı boldy.

Ekinshi jaǵynan, basqa tennısshilerdiń kortqa shyǵýyna múmkindik berildi. Iýlııa Pýtıneva birinshi raketka bolsa, Anna Danılına jekeleı synda óner kórsetti. Árıne, Rybakına jetispedi.

Sáttilik te qarsylastar jaǵynda boldy. Toptaǵy úsh komandanyń upaılary birdeı bolyp, tek qosymsha kórsetkishterdi eseptegende, jartylaı fınalǵa shyǵý úshin Qazaqstan quramasyna nebári eki set jetpeı qaldy. Sóıtip, topta Slovenııa jeńimpaz atansa, Qazaqstan ekinshi, álemniń jeti dúrkin chempıony, ótken jylǵy fınalıst — Avstralııa úshinshi orynda qaldy. Bul básekelestiktiń myqty ekendigin kórsetedi. О́tken jyly Glazgoda da set aıyrmashylyǵynan Qazaqstan jartylaı fınaldan tys qalǵan edi, — dedi Dıas Dosqaraev.

Jalpy, bıylǵy álem chempıonaty Qazaqstan quramasy úshin taǵy bir sabaq alatyndaı jarys boldy. Sońǵy eki-úsh jylda álemdik reıtıngide joǵary kóterilip kele jatqan Jibek Qulambaeva alǵash ret jeńiske jetti. Qazir Jibek juptyq synda álemdik reıtıngide 149-orynda. Slovenııamen matchta Anna Danılınamen birge oınaǵan Qulambaeva ózin jaqsy qyrynan kórsetti.

Jibek pen Anna — bizdiń bolashaǵymyz. Jibektiń Team Kazakhstan akademııasynyń túlegi ekendigi qýantady. Osy akademııadan túlep ushqan Arýjan Saǵyndyqova da quramada boldy. Bul onyń óz sheberligin odan ári jetildire túsýine serpin beredi.