استانادا دزيۋدودان قازاقستان چەمپيوندارى انىقتالىپ جاتىر (ۆيدەو)

استاناداعى جاقسىلىق ۇشكەمپىروۆ اتىنداعى جەكپە-جەك سارايىندا دزيۋدودان ەرلەر مەن ايەلدەر اراسىندا قازاقستان چەمپيوناتى بولىپ جاتىر. جارىستىڭ ەكىنشى كۇنىندە ەرلەر – 73، 81، ايەلدەر – 57، 63 جانە 70 كگ سالماق دارەجەسىندە ءوزارا مىقتىنى انىقتادى، دەپ حابارلادى تۋريزم جانە سپورت مينيسترلىگى.

چەمپيوناتتىڭ ەكىنشى كۇنىندەگى ەرلەر باسەكەسىندە ماڭعىستاۋ وبلىسىنىڭ قوس سپورتشىسى – اسقار نارقۇلوۆ (73 كگ) پەن مەيىرلان ماكسيم (81 كگ) جەڭىس تۇعىرىنا كوتەرىلسە، ايەلدەر اراسىندا اقتوبە وبلىسىنىڭ وكىلى باقىت قۇساقباەۆا (57 كگ)، اتىراۋ وبلىسىنىڭ سپورتشىسى ەسميگۋل كۋيۋلوۆا (63 كگ) جانە الماتى وبلىسىنىڭ بالۋانى ەكاتەرينا توكارەۆا (70 كگ) ءوز سالماق دارەجەلەرىندە چەمپيون اتاندى.

ايدار اراپوۆ 90 كەلىگە دەيىنگى سالماقتا ەرماحان انۋاربەكوۆتى جەڭىپ، باس جۇلدەنى يەلەندى. ودان كەيىن ارۋنا جانگەلدينا دا 78 كەلىگە دەيىنگى سالماقتا ەل چەمپيونى بولدى.

قازاقستان چەمپيوناتىنىڭ ماراپاتتاۋ راسىمىنە تۋريزم جانە سپورت ءمينيسترى ەرمەك مارجىقپاەۆ قاتىسىپ، سپورتشىلارعا ساتتىلىك تىلەدى.

دزيۋدودان قازاقستان چەمپيوناتىنا ەلىمىزدىڭ بارلىق وڭىرىنەن كەلگەن 463 سپورتشى قاتىسىپ جاتىر. پرەزيدەنتىمىز قاسىم-جومارت كەمەل ۇلىنىڭ «وتاندىق سپورتتا ءادىل باسەكەلەستىك قاعيداتىن ورناتۋ كەرەك» دەگەن تاپسىرماسىنا سايكەس، بيىلعى چەمپيوناتقا شەتەلدەن ارنايى 3 تاۋەلسىز تورەشى شاقىرتىلدى. چەمپيونات قورىتىندىسى بويىنشا دزيۋدودان 2024 جىلعى ۇلتتىق قۇراما جاساقتالادى. بارلىق سپورتشىعا سايىستا ءساتتى ونەر كورسەتۋىنە شىن جۇرەكتەن تىلەكتەسپىن! بايراقتى باسەكەدە ەڭ مىقتىلار جەڭىسكە جەتەدى دەپ سەنەمىن، — دەدى ەرمەك مارجىقپاەۆ.

چەمپيونات 15 قاراشاعا دەيىن جالعاسادى.

 

View this post on Instagram

 

A post shared by KAZ JUDO TEAM (@kaz_judoteam)

 

View this post on Instagram

 

A post shared by KAZ JUDO TEAM (@kaz_judoteam)