Astanada dzıýdodan Qazaqstan chempıondary anyqtalyp jatyr (VIDEO)

Astanadaǵy Jaqsylyq Úshkempirov atyndaǵy jekpe-jek saraıynda dzıýdodan erler men áıelder arasynda Qazaqstan chempıonaty bolyp jatyr. Jarystyń ekinshi kúninde erler – 73, 81, áıelder – 57, 63 jáne 70 kg salmaq dárejesinde ózara myqtyny anyqtady, dep habarlady Týrızm jáne sport mınıstrligi.

Chempıonattyń ekinshi kúnindegi erler básekesinde Mańǵystaý oblysynyń qos sportshysy – Asqar Narqulov (73 kg) pen Meıirlan Maksım (81 kg) jeńis tuǵyryna kóterilse, áıelder arasynda Aqtóbe oblysynyń ókili Baqyt Qusaqbaeva (57 kg), Atyraý oblysynyń sportshysy Esmıgýl Kýıýlova (63 kg) jáne Almaty oblysynyń balýany Ekaterına Tokareva (70 kg) óz salmaq dárejelerinde chempıon atandy.

Aıdar Arapov 90 kelige deıingi salmaqta Ermahan Ánýarbekovty jeńip, bas júldeni ıelendi. Odan keıin Arýna Jangeldına da 78 kelige deıingi salmaqta el chempıony boldy.

Qazaqstan chempıonatynyń marapattaý rásimine Týrızm jáne sport mınıstri Ermek Marjyqpaev qatysyp, sportshylarǵa sáttilik tiledi.

Dzıýdodan Qazaqstan chempıonatyna elimizdiń barlyq óńirinen kelgen 463 sportshy qatysyp jatyr. Prezıdentimiz Qasym-Jomart Kemelulynyń «Otandyq sportta ádil básekelestik qaǵıdatyn ornatý kerek» degen tapsyrmasyna sáıkes, bıylǵy chempıonatqa shetelden arnaıy 3 táýelsiz tóreshi shaqyrtyldy. Chempıonat qorytyndysy boıynsha dzıýdodan 2024 jylǵy ulttyq qurama jasaqtalady. Barlyq sportshyǵa saıysta sátti óner kórsetýine shyn júrekten tilektespin! Baıraqty básekede eń myqtylar jeńiske jetedi dep senemin, — dedi Ermek Marjyqpaev.

Chempıonat 15 qarashaǵa deıin jalǵasady.

 

View this post on Instagram

 

A post shared by KAZ JUDO TEAM (@kaz_judoteam)

 

View this post on Instagram

 

A post shared by KAZ JUDO TEAM (@kaz_judoteam)