Bokstan Spartakıada: alǵashqy jartylaı fınalıster anyqtaldy (VIDEO)

Bokstan Astana qalasynda ótip jatqan VI jazǵy Spartakıadanyń tórtinshi jarys kúninde 48, 54, 60, 67, 75, 86,+92 keli salmaqta jartylaı fınalǵa shyqqan bylǵary qolǵap sheberler anyqtaldy, dep habarlady Týrızm jáne sport mınıstrligigiń Sport jáne dene shynyqtyrý isteri komıteti.

48 kg salmaqta 35 jastaǵy Temirtas Júsipov birinshi jekpe-jekte Túrkistan oblysynyń jas sportshysy Ravshan Týrakýlovty jeńdi.

Sol sekildi óz salmaqtarynda basty favorıt sanalatyn Nursultan Altynbek (54 kg) Talǵat Syrymbetov (60 kg), álem chempıonatynyń kúmis júldegeri Dýlat Bekbaýov (67 kg), Nurqanat Raıys (75 kg) ta qarsylastarynan basym tústi.

75 kg salmaqta Armat Armanuly men Baqbergen Alıasqarov qolda turǵan jeńisterin ýystarynan shyǵaryp aldy.

Asa aýyr salmaqta álem chempıony Aleksandr Ýsıkpen birge daıyndalatyn Nursultan Amanjolov qaıta áýesqoı boksqa oraldy. Bul jekpe-jekte Oljas Býkaev qarsylasynan 4:1 esebimen basym tústi.

Erteń Olımpıada baǵdarlamasyna kiretin 51, 57, 63,5, 71, 80, 92 kg salmaqta birneshe álem chempıondary sharshy alańǵa shyǵady.

 

View this post on Instagram

 

A post shared by Kazakhstan Boxing Federation (@boxingkazakhstan)