بۇگىن استاناعا فۋتبولدان ۇلتتىق قۇراما كوماندا كەلەدى

بۇگىن ساعات 12.30-دا استاناعا سلوۆەنيانىڭ ليۋبليانا قالاسىنان فۋتبولدان ەلىمىزدىڭ ۇلتتىق قۇراما كومانداسى ۇشىپ كەلەدى. قازاقستان قۇراماسىن سالتاناتتى جاعدايدا قارسى الۋ ءراسىمى ن.نازارباەۆ اۋەجايىندا بولادى، دەپ حابارلادى تۋريزم جانە سپورت مينيسترلىگى.

فۋتبولشىلاردى كۇتىپ الۋ راسىمىنە تۋريزم جانە سپورت ءمينيسترى ەرمەك مارجىقپاەۆ پەن استانا قالاسى اكىمى جەڭىس قاسىمبەك قاتىسادى، — دەلىنگەن حابارلامادا.

بۇگىن قازاقستان ۇلتتىق قۇراما كومانداسى ەۋروپا چەمپيوناتىنىڭ ىرىكتەۋ تۋرنيرىندە سلوۆەنيا كومانداسىمەن ويناپ، 1:2 ەسەبىمەن جەڭىلگەن بولاتىن. ەندى ۇلتتىق قۇراماعا ەۋرو-2024 دوداسىنا جولداما الۋعا تاعى ءبىر مۇمكىندىك بەرىلەدى. كەلەسى جىلى ناۋرىز ايىندا قازاقستان كومانداسى «تورتتىك تۋرنيرىندە» سىرت الاڭدا گرەكيا جاساعىمەن وينايدى. ەكىنشى جارتىلاي فينالدا گرۋزيا مەن ليۋكسەمبۋرگ كەزدەسەدى. وسى ماتچتاردا جەڭگەن كوماندالار ءبىر-بىرىمەن فينالدا كەزدەسىپ، ويىندى جەڭگەن قۇراما ەۋروپا چەمپيوناتىنا جولداما الادى. ەگەر قازاقستان قۇراماسى گرەكيا كومانداسىن جەڭسە، وندا ءوز الاڭىندا گرۋزيا-ليۋكسەمبۋرگ ماتچىندا جەڭگەن جاساقپەن كەزدەسەدى. بۇل مۇمكىندىك ەلىمىزدىڭ باس كومانداسىنا 2022/2023 جىلدارداعى ماۋسىمدا ۇلتتار ليگاسىنداعى س توبىندا ءبىرىنشى ورىن العانى ءۇشىن بەرىلىپ وتىر.

 

View this post on Instagram

 

A post shared by Kazakhstan national football team (@kff_team)