Búgin Astanaǵa fýtboldan ulttyq qurama komanda keledi

Búgin saǵat 12.30-da Astanaǵa Slovenııanyń Lıýblıana qalasynan fýtboldan elimizdiń ulttyq qurama komandasy ushyp keledi. Qazaqstan quramasyn saltanatty jaǵdaıda qarsy alý rásimi N.Nazarbaev áýejaıynda bolady, dep habarlady Týrızm jáne sport mınıstrligi.

Fýtbolshylardy kútip alý rásimine týrızm jáne sport mınıstri Ermek Marjyqpaev pen Astana qalasy ákimi Jeńis Qasymbek qatysady, — delingen habarlamada.

Búgin Qazaqstan ulttyq qurama komandasy Eýropa chempıonatynyń irikteý týrnırinde Slovenııa komandasymen oınap, 1:2 esebimen jeńilgen bolatyn. Endi ulttyq quramaǵa Eýro-2024 dodasyna joldama alýǵa taǵy bir múmkindik beriledi. Kelesi jyly naýryz aıynda Qazaqstan komandasy «Tórttik týrnırinde» syrt alańda Grekııa jasaǵymen oınaıdy. Ekinshi jartylaı fınalda Grýzııa men Lıýksembýrg kezdesedi. Osy matchtarda jeńgen komandalar bir-birimen fınalda kezdesip, oıyndy jeńgen qurama Eýropa chempıonatyna joldama alady. Eger Qazaqstan quramasy Grekııa komandasyn jeńse, onda óz alańynda Grýzııa-Lıýksembýrg matchynda jeńgen jasaqpen kezdesedi. Bul múmkindik elimizdiń bas komandasyna 2022/2023 jyldardaǵy maýsymda Ulttar lıgasyndaǵy S tobynda birinshi oryn alǵany úshin berilip otyr.

 

View this post on Instagram

 

A post shared by Kazakhstan national football team (@kff_team)