Magomed Adıev ulttyq quramanyń bas jattyqtyrýshysy qyzmetinde qalady — QFF

Qazaqstan fýtbol federaııasynyń prezıdenti Ádilet Bármenqulov ulttyq qurama komandanyń bas jattyqtyrýshysy Magomed Adıevtiń qyzmetinde qalatynyn aıtty, dep habarlady Bassport.kz.

Magomed Adıev ulttyq quramanyń bas jattyqtyrýshysy bolyp qalady. Qazir biz fýtboldy damytý úshin úlken jospar quryp, júıeli jumys istep jatyrmyz. Strategııamyz bar. Joba kóp, — dedi ol.

Sonymen birge Adıev Qazaqstan premer-lıgasyndaǵy bir klýbtyń jattyqtyrýshysy qyzmetin qosa atqarýy múmkin.

Magomed Adıev Qazaqstan quramasyn 27 sáýirden bastap jattyqtyryp keledi. Onyń jetekshiligimen ulttyq qurama Ulttar lıgasyndaǵy S tobynda Ázerbaıjan, Slovakııa men Belarýs komandalarynan ozyp, birinshi orynǵa shyqty.  О́z tobynyń jeńimpazy boldy. Al Eýropa chempıonatynyń irikteý týrnırinde N tobynda 18 upaımen úshinshi orynǵa ıe boldy. Bul topta elimizdiń abs komandasy 10 oıynnyń altaýyn jeńdi. Buǵan deıin ulttyq quramada mundaı nátıje bolǵan emes.

Endi ulttyq quramaǵa Eýro-2024 dodasyna joldama alýǵa taǵy bir múmkindik beriledi. Kelesi jyly naýryz aıynda Qazaqstan komandasy «Tórttik týrnırinde» syrt alańda Grekııa jasaǵymen oınaıdy.

Ekinshi jartylaı fınalda Grýzııa men Lıýksembýrg kezdesedi. Osy matchtarda jeńgen komandalar bir-birimen fınalda kezdesip, oıyndy jeńgen qurama Eýropa chempıonatyna joldama alady. Eger Qazaqstan quramasy Grekııa komandasyn jeńse, onda óz alańynda Grýzııa-Lıýksembýrg matchynda jeńgen jasaqpen kezdesedi. Bul múmkindik elimizdiń bas komandasyna 2022/2023 jyldardaǵy maýsymda Ulttar lıgasyndaǵy S tobynda birinshi oryn alǵany úshin berilip otyr.