Fýtboldan ulttyq qurama FIFA reıtınginde 100 eldiń qatarynda tur

Fýtboldan Qazaqstan ulttyq qurama komandasynyń qarasha aıyndaǵy FIFA reıtıngindegi orny belgili boldy. Ulttyq qurama Eýropa chempıonatynyń irikteý týrnırindegi sońǵy eki oıynnyń nátıjesi boıynsha, ıaǵnı San-Marınony 3:1 esebimen jeńip, Slovenııadan 1:2 esebimen jeńilgennen keıin eki orynǵa tómen tústi. Sóıtip, 100-orynǵa ornalasty. Al áıelder quramasy 99-orynǵa jaıǵasty.

Álemdik reıtıngti Argentına quramasy bastap keledi. Odan keıin Franııa men Anglııa alǵashqy úshtikte tur.

TOP-10 eldiń qatarynda Belgııa, Brazılııa, Nıderland, Portýgalııa, Ispanııa, Italııa, Horvatııa bar.

Qazaqstan quramasynyń Ulttar lıgasy pleı-off satysyndaǵy qarsylasy Grekııa 47-orynda tursa, Grýzııa — 77, Lıýksembýrg — 87 orynǵa shyqqan.

Eske salsaq, Qazaqstan quramasy Eýropa chempıonaty irikteý týrnırine besinshi ret qatysty. 2008, 2012 jyldarda — 6, 2016, 2020 jyldarda — 5 oryn aldy.

Qazirge deıin 2024 jylǵy qurlyqtyq dodanyń fınaldyq satysyna Franııa, Portýgalııa, Belgııa, Ispanııa, Shotlandııa, Túrkııa, Anglııa, Aýstrııa, Vengrııa, Slovakııa, Albanııa, Danııa, Nıderland, Shveıarııa, Rýmynııa, Serbııa quramalary shyqty.

Dastan KENJALIN,

ASTANA