جانبوتا الدابەرگەنوۆا الەم كۋبوگى كەزەڭىندە قولا جۇلدەنى يەلەندى

ۇلتتىق قۇراما سپورتشىسى جانبوتا الدابەرگەنوۆا فينليانديانىڭ رۋكا قالاسىندا وتكەن فريستايل-اكروباتيكا مەن موگۋلدان الەم كۋبوگىنىڭ العاشقى كەزەڭىندە قولا جۇلدەگەر اتاندى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسى ءباسپاسوز قىزمەتى.

جانبوتا الدابەرگەنوۆا فريستايلدىڭ اكروباتيكا تۇرىندە ونەر كورسەتىپ، 77.43 بالل جينادى.

قازاقستان سپورتشىسى تۋرا ءبىر جىل بۇرىن وسىندا وتكەن 2022-2023 جىلعى ماۋسىمداعى الەم كۋبوگىنىڭ العاشقى كەزەڭىندە قولا جۇلدە العان. ول كەزدە الدابەرگەنوۆاعا 80،04 ۇپاي جەتكىلىكتى بولعان.

جالپى رۋكا قالاسى بيىل FIS-ءتىڭ فريستايل ماۋسىمىن قاتارىنان 14-رەت باستاپ بەردى.

التىن مەدالدى بەيجىڭ وليمپياداسىنىڭ (ارالاس كوماندالىق سىن) قولا جۇلدەگەرى ماريون تەنو (كانادا) جەڭىپ السا، كۇمىس مەلدالدى دانيەل سكوت يەلەندى. اۆستراليالىق سپورتشىسى وسىعان دەيىن الەم چەمپيوناتىندا ەكى رەت كۇمىس جۇلدەگەر اتانعان.