جاس تەننيسشىلەر تۇركياداعى ءتۋرنيردىڭ جەڭىمپازى اتاندى

تۇركيانىڭ ىستامبۇل قالاسىندا 14 جاسقا دەيىنگى جاسوسپىرىمدەر اراسىندا ءۇشىنشى ساناتتاعى Tennis Europe ءتۋرنيرى مارەسىنە جەتتى.

قازاقستان تەننيس فەدەراتسياسىنىڭ حابارلاۋىنشا، جارىستا ەلىمىزدىڭ جاس تەننيسشىلەرى تابىستى ونەر كورسەتتى.

جەكەلەي سىندا روبەرت كامينسكي فينالعا دەيىن جەتىپ، باس جۇلدە ءۇشىن باسەكەدە رەسەيلىك نيكيتا بەردينگە جول بەردى – 1:6، 2:6.

جۇپتىق سىنداعى فينالدا قازاقستان تەننيسشىلەرى الەكساندر سوفرىگين مەن ەگور سوروكين جانە اڭسار نيەتقاليەۆ پەن جانتورە سانجار ۇلى ءوزارا كەزدەستى. ءۇش ساعاتقا سوزىلعان تارتىستى ماتچتا الەكساندر سوفرىگين مەن ەگور سوروكين جەڭىسكە جەتىپ، جەڭىمپاز اتاندى. ەسەپ 1:6، 6:3، 10:8 بولدى.

قىزدار اراسىندا رۋسلانا رۋسلانوۆا رەسەيلىك ۆيكتوريا حاستتساەۆامەن بىرگە سوڭعى باسەكەدە رەسەيلىكتەرتاتيانا گولوۆينا مەن ماريا ماسلياكوۆاعا ەسە جىبەردى. بۇل ماتچ 6:2، 5:7، 6:10 ەسەبىمەن اياقتالدى.