Nurasyl Tólebek bokstan álem chempıony atandy

Armenııanyń astanasy — Erevanda ótken bokstan jasóspirimder arasyndaǵy álem chempıonatynda Qazaqstan qorjynyna tórtinshi altyn medal tústi.

54 keli salmaqta Nurasyl Tólebek fınalda úndi Jatın Jatındi 4:1 esebimen jeńip, álem chempıony atandy. Sóıtip, er balalardan eki boksshymyz, qyzdarda eki sportshymyz álem chempıonatynyń qurmet tuǵyryna kóterildi. Buǵan deıin habarlanǵandaı, Tolǵanaı Qasymhan 60 kg salmaqta reseılik Kıra Leonovany 3:2 esebimen basym  tússe, qyzdar jarysynda Aıajan Sydyq 54 kg salmaqta fınalda Úndistan ókili Amısha Kerkettamen kezdesip, ony  5:0 esebimen jeńdi.

Úshinshi altyn júldeni  66 keli salmaqtaǵy Aısulý Muhıt jeńip aldy. Ol fınalda rýmyn sportshysy Amalııa Týgýıdan aılasyn asyrdy.

Erevandaǵy álem chempıonatyna 51 memleketten 357 sportshy qatysty.

Qazaqstan komandasy 4 altyn, 3 kúmis, 4 qola medal jeńip aldy.

Dastan KENJALIN,

ASTANA