Astanada kásipqoı boks keshi ótedi

Astanada 15 jeltoqsanda Halyqaralyq boks federaııasynyń uıymdastyrýymen  kásipqoı bokstan «Chempıondar keshi»  ótedi. Keshte segiz jekpe-jek bolady. Oǵan ulttyq quramanyń úzdikteri qatysady.

51 kelide álem chempıony Sanjar Táshkenbaı, 57 keli salmaqta taǵy bir álem chempıony Mahmud Sabyrhan sharshy alańǵa shyǵady. Orta salmaqta Ertýǵan Zeınýllınov, Dýlat Bekbaýov pen ulttyq qurama komandanyń kapıtany Aslanbek Shymbergenov qolǵap túıistiredi.

Sonymen birge Bekzat Nurdáýletov pen Nurbek Oralbaı judyryqtasady. Olardyń qarsylastary da myqty. Bul jekpe-jekke qurlyqtyq jáne álemdik dodalarda top jaryp júrgen boksshylar tańdalǵan. Máselen, Bekzat Nurdáýletov reseılik Nıkıta Zonmen kúsh synasady.

Jekpe-jek tizimine Danııar Eleýsinov ta qosylǵan. Ázirshe onyń qarsylasy belgisiz. Jekpe-jekter 3 mınýttan turatyn 6 raýndqa sozylady.

Jeńimpaz 10 000 dollarǵa alady. Al jeńilgen boksshyǵa 5000 dollar beriledi.

Buǵan deıin kásipqoı bokstan týrnır uıymdastyrý týraly máseleni boksshy Qanat Islam kótergen edi. Ol prezıdent Qasym-Jomart Toqaevtan boks keshterin ótkizýge kómek suraǵan bolatyn.

Sportshy Instagram-da jarııalaǵan vıdeosynda elimizde sońǵy úsh jyldan beri birde-bir ret kásipqoı bokstan jekpe-jekterdiń bolmaǵanyn, sol sebepti memleket basshysynan boks keshin uıymdastyrýǵa kómek suraıtynyn aıtty. 15 jeltoqsanda Astanada bolatyn boks keshine Qanat Islamnyń qatysy joq. Bul keshti Halyqaralyq boks federaııasy ótkizedi.

Dastan KENJALIN,

ASTANA