SportPress.kz Qazaqstan sport jańalyqtary
Táýelsizdik kúni aldynda elimizdiń ár aımaǵynda túrli sharalar uıymdasytyrylyp jatatyn bir dástúr bar.
Búgin PQ «Jeltoqsan Aqıqaty» respýblıkalyq qoǵamdyq birlestiginiń uıytqy bolýymen Almaty shaharyndaǵy Áýezov aýdanyndaǵy 173 mektep-gınazııada dúbirli bir alaman sporttyq jarystar bolyp ótti.
Aıtýly Spartakıada baǵdarlamasynda shaǵyn fýtbol, darts, shahmat jáne arqan tartý sport súrlerinen osy qoǵamdaǵy Jeltoqsannyń batyrlary baqtaryn synap jeńis úshin aıanbady.
Negizi sportty densaýlyqtyń kepili deımiz ǵoı, jastarynyń aldy jetpisti arty alpysty alqymdaǵan keshegi Táýelsizdiktik qaharmandary osyndaı jarystardy saǵyna kútedi. О́ıtkeni, osyndaı sportty is-sharalarda bastary qosylyp, bir shúıirkelisip, arqa jarqa bolyp qalady. Sonymen qatar, jarys alańdarynda boıda, oıda qalǵan sporttarynan syn alańynda barynsha kórsetip úlken bir lázzat alary sózsiz. «Syrly aıaqtyń syry ketse de syny ketpegen», demekshi, sport alańdarynda Jeltoqsan batyrlarynyń oıyndaryn kórgen jankúıerler rıza bolyp demeý berip, qoldaý jasap jatyr.
Hosh, sonymen Spartakıadanyń ashylýy saltanaty da dabyraly, dýmandy boldy. Mektep oqýshylary batyr ata-apalarynyń kelýine oraı tamasha bir konerttik baǵdalarlama daıyndaǵan eken. Jas talanttar ortaǵa shyǵyp, bar ónerlerin salyp Jeltoqsan batyrlarynyń qoshemetine bólendi.
Saltanatty ashylý rásimi aıaqtalǵan soń jarys túrlerinen Spartakıada bastalyp ketti. Kúni boıy sport alańdarynda ter tókken batyrlar kún eńkeıe baryp jeńimpazdar men júldegerlerdi anyqtap, zor qoshemetpen marapat rásimi bolyp ótti.
Osyndaı Jeltoqsan batyrlaryna arnalǵan dúbirli alaman Spartakıadanyń joǵary uıymdastyrylǵanyna «Jeltoqsan Aqıqaty» respýlıkalyq qoǵamdyq birlestiginiń tóraǵasy Bolat Toqtabaıuly Qurymbaev joǵary baǵa berip, barsha Jeltoqsan qaharmandaryna zor densaýlyq, uzaq ǵumyr tilep aıyryqsha rızashylǵyn bildirdi. Jeltoqsan batyrlaryna arnalǵan dúbirli doda osylaısha máresine jetip, artynan Áýezov aýdanynyń uıymdastyrýymen dastarhan jaıylyp as berildi.
Negizi osyndaı joǵary deńgeıde jarysty ótkizip, Jeltoqsan batyrlaryna zor kóńil-kúı tartý etken Áýezov aýdandanyń uıymdastyrý alqasynyń belsendileri Alma men Batyrǵa qalyń jurt úlken rahmetterin jaýdyryp jatty. О́mir-qozǵalystan turatyn bolsa, aramyzda sonaý Jeltoqsannyń yzǵarly túninde Táýelsizdigimiz úshin jan berip jan alysqan batyrlarǵa qurmet qoshemet kúsheıe tússe degen tilek bar. Bar bolyńdar nar bolyńdar Táýelsizdikti jeńip ápergen Jeltoqsannyń batyrlary!.
Aqyn ORDABAIULY,
ALMATY
