Sport tóreshileriniń jalaqysy 100 paıyzǵa deıin ósedi

Týrızm jáne sport mınıstrliginde ótken keńeıtilgen otyrysta 2024 jyldan bastap sport tóreshileriniń aılyǵy bazalyq laýazymdyq jalaqydan 100%-ǵa deıin kóteriletini belgili boldy.

Sondaı-aq, sportshylarǵa Ulttyq biryńǵaı testileýden ótpeı JOO-ǵa túsý úshin granttar berý normasy zańnamalyq túrde engizilgeni jarııa etildi.

Sala qyzmetkerleriniń jaǵdaıyn jaqsartý boıynsha jumys jalǵasyp jatyr. Sońǵy eki jylda mamandandyrylǵan mektep-ınternat-kolledjderdiń (respýblıkalyq jáne oblystyq), sondaı-aq balalar-jasóspirimder sport mektepteriniń jattyqtyrýshy-oqytýshylarynyń jalaqysy 25%-ǵa ósti.

Zańnamalyq negizde jattyqtyrýshy-oqytýshylardyń aptalyq saǵat júktemesin 24-ten 18 saǵatqa deıin qysqartý josparlanýda, — dedi vedomstvo basshysy Ermek Marjyqpaev.

Sonymen birge ol kelesi jyldyń 19 qańtary men 1 aqpany aralyǵynda Ońtústik Koreıanyń Kanvondo provınııasyndaǵy Kannyn qalasynda jalaýy jelbireıtin IV qysqy jasóspirimder Olımpıadasyna qatysatyn sportshylardyń daıynldyǵyna basa mán berip, Sport jáne dene shynyqtyrý isteri komıtetine Ulttyq Olımpıada komıteti, Sportty damytý dırekııasy jáne Olımpıadalyq daıyndyq ortalyǵymen tize qosyp jumys isteýdi tapsyrdy.

Dastan KENJALIN,

ASTANA