SportPress.kz Qazaqstan sport jańalyqtary
Búgin Astana qalasyndaǵy Jaqsylyq Úshkempirov atyndaǵy jekpe-jek saraıynda fýtzaldan Qazaqstan quramasy Nıderland komandasyn 2:0 esebimen jeńip, álem chempıonatyna joldama aldy.
Matchty memleket basshysy Qasym-Jomart Toqaev tamashalady. Onyń janynda WBO jáne IBF tujyrymy boıynsha kásipqoı bokstan álem chempıony Jánibek Álimhanuly, týrızm jáne sport mınıstri Ermek Marjyqpaev, QFF prezıdenti Ádilet Bármenqulov, fýtboldan Qazaqstan ulttyq qurama komandasynyń bas jattyqtyrýshysy Magomed Adıev pen ulttyq quramanyń qaqpashysy Igor Shakıh boldy.
Al álemdik doda kelesi jyly Tashkent qalasynda 14 qyrkúıek pen 6 qazan aralyǵynda bolady.
Match óte tartysty jáne qyzyqty boldy. Qazaqstan quramasy oıynnyń birinshi mınýtynda esep ashty. Bul goldy Birjan Orazov saldy. Odan keıin matchtyń 7-mınýtynda Dýglas Jýnıor ekinshi goldyń avtory atandy.
Birinshi taımda elimizdiń bas komandasynda taǵy da esepti eselýge múmkindik kóp boldy. Alaıda oıynshylardyń Nıderlandtyń qaqpasyn nysanaǵa alǵanymen, dop túspeı qoıdy.
Ekinshi taımda da ulttyq qurama jıi shabýyldap, qaýipti jaǵdaı jasap otyrdy. Match osylaı Qazaqstan komandasynyń ústemdigimen aıaqtaldy.
Qazaqstan quramasy álem chempıonatyna irikteý týrnırinde Rýmynııa, Ázerbaıjan jáne Nıderland quramalarymen birge A tobynda oınap jatyr. Qazir fýtzaldan elimizdiń bas komandasy bes oıynnan keıin 15 upaımen kósh bastap keledi. Al qorjynynda 5 upaıy bar Nıderland quramasy 2-orynda tur.
Endi eki qurama osy matchty sanaǵanda úsh ret kezdesti. Úsh oıynda da Qazaqstan quramasy jeńdi. Alǵash ret 2019 jyly Rýmynııanyń Pıatra-Nıam qalasynda bolǵan matchta elimizdiń quramasy qarsylasyn 5:0 esebimen jeńse, bıylǵy irikteý týrnırinde syrt alańda Nıderlandtan 2:0 esebimen basym tústi.
Búgin ulttyq qurama «Qyzǵaldaqtar eliniń» quramasynan taǵy da 2:0 esebimen aılasyn asyrdy.
Eki quramanyń da Eýropa jáne álemdik reıtıngtegi oryndarynda alshaqtyq bar. Qazaqstan Eýropa reıtınginde 4-orynda, álemdik reıtıngte 7-orynda bolsa, «Qyzǵaldaqtar eliniń» komandasy qart qurlyqtyń tiziminde 18-orynda, álemdik reıtıngte 34-orynda keledi.
Fýtzaldan álem chempıonaty elıtaly týrnıri 20 jeltoqsanda aıaqtalady. Endi Qazaqstandy sanamaǵanda 14 jáne 20 jeltoqsanda álem chempıonatyna qatysatyn 7 komandanyń tórteýi anyqtalady.
Elıtaly raýndtaǵy bes toptyń jeńimpazdary álemdik dodaǵa tikeleı joldama alady. Al 2-oryn alǵan tórt úzdik komanda pleı-off matchtarynda oınaıdy. Olardyń jerebesi 2024 jyly 25 qańtarda tartylady. Al ÁCh joldamasy úshin qalǵan eki match 2024 jyldyń 8-17 sáýirine josparlanǵan.
2024 jylǵy Álem chempıonatynyń irikteý týrnıri. Elıtaly kezeń. «A» toby.
Oıyn nátıjeleri:
15 qyrkúıek: Nıderland – Qazaqstan 0:2
15 qyrkúıek: Rýmynııa – Ázerbaıjan 3:1
20 qyrkúıek: Qazaqstan – Rýmynııa 4:3
20 qyrkúıek: Ázerbaıjan – Nıderland 6:1
6 qazan: Rýmynııa – Nıderland 2:1
6 qazan: Ázerbaıjan – Qazaqstan 2:4
10 qazan: Nıderland – Rýmynııa 1:1
11 qazan: Qazaqstan – Ázerbaıjan 3:2
14 jeltoqsan: Qazaqstan – Nıderland 2:0
Kelesi matchtardyń kestesi:
15 jeltoqsan: Ázerbaıjan – Rýmynııa
20 jeltoqsan: Rýmynııa – Qazaqstan
20 jeltoqsan: Nıderland – Ázerbaıjan.
Dastan KENJALIN,
ASTANA
View this post on Instagram
