فۋتزالدان ءاچ: قازاقستان قۇراماسى ىرىكتەۋ ءتۋرنيرىن ءبىرىنشى ورىنمەن اياقتادى (ۆيدەو)

فۋتزالدان قازاقستان قۇراماسى الەم چەمپيوناتى ەليتالىق ىرىكتەۋ ءتۋرنيرىنىڭ سوڭعى ويىنىن مىرت الاڭدا رۋمىنيا كومانداسىمەن وتكىزءىپ، قارسىلاسىن 2:0 ەسەبىمەن جەڭدى.

ۇلتتىق قۇراما ساپىندا شىڭعىس ەسەنامانوۆ 8-مينۋتتا، ءبىرجان ورازوۆ 26-مينۋتتا دوپتى تورعا تۋلاتتى. ءسويتىپ، قازاقستان قۇراماسى ا توبىنداعى بارلىق ويىندا جەڭىسكە جەتتى.

ەل قۇراماسى بۇعان دەيىن رۋمىنيانى ءوز الاڭىندا 4:3، نيدەرلاندتى ەكى رەت 2:0، 2:0، ازەربايجاندى 4:2، 3:2 ەسەبىمەن جەڭگەن بولاتىن.

قازاقستان قۇراماسى التى تۋردان كەيىن 18 ۇپاي جيناپ، تۋرنير كەستەسىندە ءبىرىنشى ورىن الدى. قۇراما كوماندا ءبىر تۋر بۇرىن الەم چەمپيوناتى فينالدىق ساتىسىنا جولداماعا يە بولدى.

ۇلتتىق  قۇراما الەم چەمپيوناتىنىڭ فينالدىق ساتىسىندا 2000، 2016، 2021 جىلداردا سىنعا ءتۇستى.  كوماندا 2021 جىلى 4-ورىنعا تابان تىرەدى.

داستان كەنجالين،

استانا