Fýtzaldan ÁCh: Qazaqstan quramasy irikteý týrnırin birinshi orynmen aıaqtady (VIDEO)

Fýtzaldan Qazaqstan quramasy álem chempıonaty elıtalyq irikteý týrnıriniń sońǵy oıynyn myrt alańda Rýmynııa komandasymen ótkizip, qarsylasyn 2:0 esebimen jeńdi.

Ulttyq qurama sapynda Shyńǵys Esenamanov 8-mınýtta, Birjan Orazov 26-mınýtta dopty torǵa týlatty. Sóıtip, Qazaqstan quramasy A tobyndaǵy barlyq oıynda jeńiske jetti.

El quramasy buǵan deıin Rýmynııany óz alańynda 4:3, Nıderlandty eki ret 2:0, 2:0, Ázerbaıjandy 4:2, 3:2 esebimen jeńgen bolatyn.

Qazaqstan quramasy alty týrdan keıin 18 upaı jınap, týrnır kestesinde birinshi oryn aldy. Qurama komanda bir týr buryn álem chempıonaty fınaldyq satysyna joldamaǵa ıe boldy.

Ulttyq  qurama álem chempıonatynyń fınaldyq satysynda 2000, 2016, 2021 jyldarda synǵa tústi.  Komanda 2021 jyly 4-orynǵa taban tiredi.

Dastan KENJALIN,

ASTANA