اتاقتى بوكسشى سەرىك نۇرقازوۆ تابىلماي جاتىر

اتاقتى بوكسشى سەرىك نۇرقازوۆتىڭ حابار-وشارسىز كەتكەنى تۋرالى مالىمەت شىقتى.  بۇل تۋرالى «قوعام» جەدەل ارەكەت ەتۋ جاساعىنىڭ Instagram-داعى پاراقشاسىندا جاريالاندى.

سەرىك نۇرقازوۆ 1959 جىلى 4 قازاندا تۋعان. 2023 جىلى 14 جەلتوقساندا لۋگانسكي كوشەسىندە ورنالاسقان ۇيىنەن شىعىپ، سول كۇيىن ۇيىنە قايتىپ كەلمەگەن. ول سۇر باس كيىم كيگەن. ۇستىندە كاپيۋشونى بار كوك كۇرتە، اق جەمپىر، قارا دجينسى بولعان. سەرىك نۇرقازوۆتىڭ شاشى اق،  ساقالى بار.

سەرىك توكەن ۇلى نۇرقازوۆ قاراعاندى وبلىسىندا تۋعان. ول بوكستان قازاقستاننىڭ جانە حالىقارالىق تۋرنيرلەردىڭ بىرنەشە دۇركىن جەڭىمپازى، كسرو ەڭبەك سىڭىرگەن سپورت شەبەرى. 1979 جىلى كسرو حالىقتارى سپارتاكياداسىنىڭ كۇمىس جۇلدەگەرى. 1983 جىلى وسى سپارتاكيادانىڭ قولا مەدالىن يەلەندى.

1981 جىلى فينليانديانىڭ تامپەرا قالاسىندا وتكەن ەۋروپا چەمپيوناتىن جەڭىپ العان. 1983 جىلى بولگاريانىڭ ۆارنا قالاسىندا ەۋرواپ چەمپيونا اتانعان. وسى جىلى يتاليانىڭ ريم قالاسىندا جالاۋى جەلبىرەگەن الەم كۋبوگىنىڭ كۇمىس جۇلدەگەرى بولعان.

بوكسشى 1979، 1980 جىلى ەكى جىل قاتارىنان كسرو چەمپيوناتىنىڭ كۇمىس مەداليسى بولسا، 1983، 1987 جىلدارى قولا جۇلدەگەرى اتاعىن جەڭىپ العان. ال 1982، 1984، 1986 جىلدارى كسرو-نىڭ بىرنەشە دۇركىن چەمپيونى اتانعان.

سەرىك نۇرقازوۆ تۋرالى مالىمەت بىلەتىن ادامدار مىنا تەلەفون نومەرىنە +7 702 712 79 22 نەمەسە @kogam_almatۋ-عا حابارلاسىڭىزدار.

داستان كەنجالين،

استانا