SportPress.kz Qazaqstan sport jańalyqtary
Ataqty boksshy Serik Nurqazovtyń habar-osharsyz ketkeni týraly málimet shyqty. Bul týraly «Qoǵam» jedel áreket etý jasaǵynyń Instagram-daǵy paraqshasynda jarııalandy.
Serik Nurqazov 1959 jyly 4 qazanda týǵan. 2023 jyly 14 jeltoqsanda Lýganskıı kóshesinde ornalasqan úıinen shyǵyp, sol kúıin úıine qaıtyp kelmegen. Ol sur bas kıim kıgen. Ústinde kapıýshony bar kók kúrte, aq jempir, qara djınsy bolǵan. Serik Nurqazovtyń shashy aq, saqaly bar.
Serik Tókenuly Nurqazov Qaraǵandy oblysynda týǵan. Ol bokstan Qazaqstannyń jáne halyqaralyq týrnırlerdiń birneshe dúrkin jeńimpazy, KSRO eńbek sińirgen sport sheberi. 1979 jyly KSRO halyqtary Spartakıadasynyń kúmis júldegeri. 1983 jyly osy Spartakıadanyń qola medalin ıelendi.
1981 jyly Fınlıandııanyń Tampera qalasynda ótken Eýropa chempıonatyn jeńip alǵan. 1983 jyly Bolgarııanyń Varna qalasynda Eýroap chempıona atanǵan. Osy jyly Italııanyń Rım qalasynda jalaýy jelbiregen Álem kýbogynyń kúmis júldegeri bolǵan.
Boksshy 1979, 1980 jyly eki jyl qatarynan KSRO chempıonatynyń kúmis medalısi bolsa, 1983, 1987 jyldary qola júldegeri ataǵyn jeńip alǵan. Al 1982, 1984, 1986 jyldary KSRO-nyń birneshe dúrkin chempıony atanǵan.
Serik Nurqazov týraly málimet biletin adamdar myna telefon nomerine +7 702 712 79 22 nemese @kogam_almatý-ǵa habarlasyńyzdar.
Dastan KENJALIN,
ASTANA
