Áriptesterimizdi Seıdaǵańnyń syılyǵymen quttyqtaımyz!

Búgin Týrızm jáne sport mınıstrliginiń uıymdastyrýymen jyldyń úzdik sportshylary, úzdik jattyqtyrýshylary men sportty qoldaýda úlken úles qosyp júrgen mamandardy marapattaýǵa arnalǵan «Úzdik» atty saltanatty is-shara boldy.

Osy jıynda týrızm jáne sport mınıstri Ermek Marjyqpaev bastaǵan sport salasynyń basshylary men Olımpıada chempıondary ár atalymda jyldyń úzdigi atanǵan sportshylar men jattyqtyrýshylardy, sport uıymdary men oblystyq jáne aýdandyq sport basqarmalaryn marapattady.

Saltanatty is-sharada kezek áriptesterimizdi marapattaýǵa kelgende belgili jýrnalıst, áriptesimiz Atameken business telearnasynyń jýrnalısi Samat Qanaǵatov, «Sport juldyzdary» jýrnalynyń shef-redaktory Jandos Busyrmanov pen Meta-ratings.kz saıtynyń bas redaktory Erbol Qaıyrov Seıdahmet Berdiqulov atyndaǵy syılyqtyń laýreaty atandy. Iaǵnı, jyldyń úzdik sport jýrnalısi ataǵyn ıelendi.

Samat Qanaǵatov 25 jyldan beri sportty nasıhattap kele jatqan maman. Erbol Qaıyrov ta 10 jyldan astam ýaqyt sport jýrnalıstıkasynda eńbek etip keledi. Ekeýi sport kommentatory bolyp ta jumys isteıdi. Al Jandos Aıanbek shyǵarmashylyqpen birge sharýashylyqty da qatar ustap keledi. Ol «Sport juldyzdary» jýrnalynyń shef-redaktory qyzmetimen qosa, Talǵar aýdandyq buqaralyq-sporttyq is-sharalardy uıymdastyrý ortalyǵynyń dırektory.

Biz, SportPress.kz aqparattyq-saraptamalyq sport saıtynyń redakııasy, jyldyń úzdik sport jýrnalısterin laýreat atanýymen quttyqtaı otyryp, denderine saýlyq, jumystar shyǵarmashylyq tabys tileımiz!