SportPress.kz قازاقستان سپورت جاڭالىقتارى
ماڭعىستاۋ وبلىسى اكىمىنىڭ وكىمىمەن جاقىندا عانا دەنە شىنىقتىرۋ جانە سپورت باسقارماسىنىڭ باسشىسى بولىپ ماقسات اسقار ۇلى مۇقاش تاعايىندالدى. ءبىر جىلدا ءۇشىنشى باسشىسى مەكەمەنىڭ تىزگىنىن قولىنا الدى.
ءبىز بۇل باسشىدان 2023 جىلدىڭ قورىتىندىسى بويىنشا اقپاراتىن سۇرادىق.
ماقسات مۇقاشتىڭ ايتۋىنشا، قازىرگى تاڭدا باسقارماعا باعىنىستى 33 مەكەمە بار. ولار — وبلىستىق وليمپيادالىق رەزەرۆىن دايارلاۋ ورتالىعى، ۇلتتىق سپورت تۇرلەرىنىڭ ورتالىعى، شوقىر بولتەك ۇلى اتىنداعى ماڭعىستاۋ وبلىستىق جوعارى سپورت شەبەرلىگى مەكتەبى، وبلىستىق فۋتبول بويىنشا وليمپيادالىق رەزەرۆتىڭ مامانداندىرىلعان بالالار مەن جاسوسپىرىمدەر مەكتەبى، وبلىستىق كۇرەس بويىنشا وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبى، وبلىستىق كۇرەس بويىنشا وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبى، وبلىستىق بوكس بويىنشا وليمپيادالىق رەزەرۆتىڭ مامانداندىرىلعان بالالار مەن جاسوسپىرىمدەر مەكتەبى، اقتاۋ قالالىق ماڭعىستاۋ-ارەنا بالالار مەن جاسوسپىرىمدەر سپورت مەكتەبى، اقتاۋ قالالىق تەننيس بويىنشا بالالار مەن جاسوسپىرىمدەر سپورت مەكتەبى، وبلىستىق كاراتە-دو بويىنشا مامانداندىرىلعان بالالار مەن جاسوسپىرىمدەر سپورت مەكتەبى، وبلىستىق قازاق كۇرەسى جانە دزيۋدو بويىنشا بالالار مەن جاسوسپىرىمدەر سپورت مەكتەبى، وبلىستىق «جاس باتىر» مامانداندىرىلعان بالالار مەن جاسوسپىرىمدەر سپورت مەكتەبى، وبلىستىق جەلكەندى سپورت بويىنشا بالالار مەن جاسوسپىرىمدەر سپورت مەكتەبى، 6 كلۋب جانە 14 بالالار مەن جاسوسپىرىمدەر سپورت مەكتەبى.
ءوڭىردى رەسپۋبليكالىق جانە حالىقارالىق دەڭگەيدە دارىپتەگەن وبلىس سپورتشىلارىنىڭ ەڭبەگىن ەرەكشە اتاپ وتۋگە بولادى:
- ماڭعىستاۋ وبلىسىنىڭ سپورتشىسى ەلدار ءبىرىمباي تاەكۆوندودان (WT) ەرەسەكتەر اراسىندا وتكەن قر كۋبوگىنىڭ جەڭىمپازى اتانىپ، ءحىح جازعى ازيا ويىندارىنا جولداما الدى. سونىمەن قاتار ە.ءبىرىمباي وسى جىلى اۆستريانىڭ ينسبرۋك قالاسىندا تاەكۆوندودان (WT) حالىقارالىق Austrian Open G-1 رەيتينگتىك ءتۋرنيرىنىڭ جەڭىمپازى اتاندى.
- ماڭعىستاۋلىق ءابۋ-باكىر جانىبەك دجيۋ-دجيتسۋدان الەم چەمپيونى اتاندى. سونداي-اق وسى سپورتشى اقپان ايىندا بانگكوكتا (تايلاند) دجيۋ-دجيتسۋدان ازيا چەمپيونى اتانعان بولاتىن.
- ماڭعىستاۋلىق بەكزات نۇرداۋلەتوۆ بوكستان استانادا وتكەن VI جازعى سپارتيكيادانىڭ كۇمىس جۇلدەگەرى اتاندى. 15 جەلتوقسان كۇنى حالىقارالىق بوكس فەدەراتسياسىنىڭ ۇيىمداستىرۋىمەن وتكەن «چەمپيوندار ءتۇنى IBA» جەكپە-جەك وتكىزىپ جەڭىمپاز اتاندى.
- نۇرداۋلەت جارىلعاپوۆ قازاق كۇرەسىنەن +100 كەلىدەن جوعارى سالماق دارەجەسىندە جەڭىمپاز اتانىپ، ەكىنشى جىل قاتارىنان «دالا قىرانى» تيتۋلىن يەلەندى. نۇرداۋلەت «قازاقستان بارىسى» ءتۋرنيرىنىڭ كۇمىس جۇلدەگەرى (2022، 2023 جج)، ازيا چەمپيوناتىنىڭ جەڭىمپازى (وزبەكستان، 2023 ج).
- ماڭعىستاۋلىق اسقار نارقۇلوۆ دۇنيە جۇزىلىك ۋنيۆەرسيادانىڭ قولا جۇلدەگەرى اتاندى (قىتاي). ايتا كەتسەك، وسى جىلى ا.نارقۇلوۆ دزيۋدودان الەمدىك Qazaqstan Barysy Grand Slam جارىسىنىڭ قولا جۇلدەگەرى اتاندى.
سۇڭعات جۇباتقان الەمدىك گران-پري جارىسىنىڭ قولا جۇلدەگەرى اتانعان بولاتىن.
- كاميل كۋرۋگليەۆ ەركىن كۇرەستەن ازيا چەمپيونى اتاندى. 19 شىلدە يوردانيا استاناسى اممان قالاسىندا كۇرەس تۇرلەرىنەن (U15&U20) ازيا چەمپيوناتىنىڭ سەگىزىنشى كۇنى U20 ەركىن كۇرەستەن 5 سالماق دارەجەسىندە بەلدەسۋلەر ءوتتى.
- يران استاناسى تەگەران قالاسىندا 18 جاسقا دەيىنگى سپورتشىلار اراسىندا ITF Juniors J100 Teھran سەرياسىنىڭ ءتۋرنيرى ءوتىپ، دانيل راحماتۋللاەۆ ITF Juniors سەرياسىنداعى تەننيس تۋرنيرىندە جەڭىسكە جەتتى.
- مەيىرلان ماكسيم 20-21 مامىردا يسپانيانىڭ مالاگا قالاسىندا وتكەن دزيۋدودان جاستار اراسىنداعى ەۋروپا كۋبوگىنىڭ جەڭىمپازى اتانعان. سونداي-اق ماڭعىستاۋلىق مەيىرلان ماكسيم دزيۋدودان ەۋروپا كۋبوگىنىڭ جەڭىمپازى، گەرمانيانىڭ بەرلين قالاسىندا دزيۋدودان جاستار اراسىندا وتكەن ەۋروپا كۋبوگىندا 81 كگ سالماقتا چەمپيون اتاندى.
- سامبودان وتكەن الەم چەمپيوناتىندا 54 كگ سالماقتا گۇلدانا المۇحامبەتوۆا قولا جۇلدەگەر اتاندى. سونداي-اق سپورتشى تامىز ايىنىڭ باسىندا ارمەنيا مەملەكەتى، ەرەۆان قالاسى ارمەنيا ۇلتتىق وليمپيادا كوميتەتىنىڭ پرەزيدەنتى گ.تسارۋكيان كۋبوگىندا قولا جۇلدەگەر اتاندى. وسى جىلى بەلارۋستىڭ جلوبين قالاسىندا وتكەن جاتقان تمد ەلدەرىنىڭ ءىى ويىندارىندا سامبو سپورت تۇرىنەن قولا مەدال يەگەرى اتاندى.
- جاپونيانىڭ ماتسۋياما قالاسىندا 3-5 قاراشا ارالىعىندا اشيحارا كاراتەدەن الەم چەمپيوناتىندا ءجاسوسپىرىم سپورتشى دياس يسەنباي التىن جانە ارداق ديدار قولا مەدال جەڭىپ الدى.
- ءساماتالى تولتاەۆ دەبرەتسەندەگى (ۆەنگريا) يشتۆان بوچكايدى ەسكە الۋعا ارنالعان حالىقارالىق ءتۋرنيرىنىڭ جەڭىمپازى اتاندى.
- « ۇلى دالا جورىعى»: ماڭعىستاۋ وبلىسىنىڭ شاباندوزى رەكورد ورناتتى. «رەكورد» كومانداسىنىڭ 21 جاستاعى ماعجان ابدول ۇلى 1300 شاقىرىمدى باعىندىردى.
- اسەم تاڭاتار بوكستان جاستار اراسىنداعى ازيا چەمپيونى اتاندى.
- ماڭعىستاۋلىق سپورتشى بەكزات قاپاشوۆ گرەپپلينگتەن وتكەن الەم چەمپيوناتىندا /نوگي باعبارلاماسىندا/ ەرەسەكتەر اراسىندا 66 كەلىدە كۇمىس جۇلدەگەر اتاندى.
- ماڭعىستاۋلىق كاراتەشىلەر ازيا چەمپيوناتىندا 1 التىن، 1 كۇمىس جانە 3 قولا جۇلدە يەلەندى. الماتى قالاسىندا WKF كاراتەدەن جاسوسپىرىمدەر مەن جاستار اراسىندا وتكەن ءححى ازيا چەمپيوناتىندا تۇرار قالپاقباي 14-15 جاس ساناتىندا 57 كەلىگە دەيىنگى سالماق دارەجەسىندە ازيا چەمپيونى اتاندى.
- بەيبىت جۇقاەۆ (#247) شارلوتسۆيللدە (اقش، ۆيردجينيا) چەللەندجەر ءتۋرنيرىنىڭ جەڭىمپازى اتاندى. بەيبىت فينالدا امەريكالىق تەننيسشى ەيدەن مايونى 6:3، 6:4 ەسەبىمەن ۇتتى. وسى جەڭىسىنىڭ ارقاسىندا بەيبىت ۇزدىك 200 تەننيسشىنىڭ قاتارىنا ەنىپ، قازاقستاننىڭ الەكساندر بۋبليكتەن كەيىنگى ەكىنشى راكەتكاسى اتاندى. الدا اتر رەيتينگىندە 32-ءشى ورىندا الەكساندر بۋبليك قانا تۇر.
- ريو-دە-جانەيرودا دۇنيەجۇزىلىك جازعى گيمنازيادانىڭ (U15) اياسىندا بوكستان ماڭعىستاۋلىق دارىن تاسمۇحانبەتوۆ جانە جادىگەرحان سالىق قوس كۇمىس جۇلدە يەلەندى.
ارنايى SportPress.kz ءۇشىن سۇراۋ سالعان ايبەك مۇحانوۆ،
قازاقستان جۋرناليستەر وداعىنىڭ مۇشەسى
