Boksshylar «Strandja» týrnırine qatysady (VIDEO)

2-12 aqpan aralyǵynda Bolgarııanyń astanasy-  Sofııada bokstan dástúrli «Strandja» týrnıri ótedi. Oǵan Qazaqstan quramasy da qatysady.

Bıyl bul týrnır osymen 75 ret jalaýyn kóteredi. Bas jattyqtyrýshy Myrzaǵalı Aıtjanov týrnırge qatysatyn bylǵary qolǵap sheberleriniń tizimin atady. Olardyń arasynda jaqynda Otan aldyndaǵy azamattyq boryshyn óteý úshin ásker qataryna alynǵan 51 kelige deıingi salmaq dárejesinde qolǵap túıistirip júrgen álem chempıony Sanjar Táshkenbaı da bar.

Myrzaǵalı Qulanulynyń aıtýynsha, jarys bastalǵanǵa deıin quramda az-kem ózgeris bolýy múmkin. Al ázirshe «Strandja» týrnırine qatysatyn el quramasynyń qataryna  Sanjar Táshkenbaı (51 kg), Dáýlet Moldashev (54 kg), Orazbek Asylqulov (57 kg), Rýslan Kúzeýbaev (60 kg), Erasyl Tankaı (63,5 kg), Dýlat Bekbaýov (67 kg), Talǵat Sháıken (71 kg), Nurqanat Raıys (75 kg), Tursynbaı Qulahmet (80 kg), Abzal Quttybekov (86 kg), Saǵyndyk Toǵambaı (92 kg) shaqyrylyp otyr.

Byltyr erler jáne áıelderdiń ulttyq quramasy, jastar men jasóspirimder komandasy 13 halyqaralyq jáne elishilik chempıonattar men týrnırlerge qatysyp, kúsh synasty.

Boksshylar Ishtvan Bochkaı týrnırine,  Strandja kýbogyna, áıelder arasyndaǵy álem chempıonatyna, eresekter arasyndaǵy álem chempıonatyna, Qyrǵyzstandaǵy eki halyqaralyq týrnırge, Elorda kýbogyna, 22 jasqa deıingi Azııa chempıonatyna, jastar men jasóspirimder arasyndaǵy Azııa chempıonatyna, jazǵy Azııa oıyndaryna, jasóspirimder arasyndaǵy álem chempıonaty men Ǵalym Jarylǵapov atyndaǵy halyqaralyq týrnırge qatysty.

Osylaısha, Qazaqstan bokshylalary 51 altyn, 36 kúmis jáne 82 qola medal jeńip aldy.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)