Dúnıejúzilik kóshpendiler oıyndaryna daıyndyq qaraldy

Astanada Týrızm jáne sport mınıstri Ermek Marjyqpaevtyń tóraǵalyǵymen V Dúnıejúzilik kóshpendiler oıyndarynyń daıyndyǵyna arnalǵan keńes ótti.

Alqaly jıynǵa Ulttyq sport qaýymdastyǵynyń, Ulttyq jáne at sport túrleri ortalyǵynyń, V Dúnıejúzilik kóshpendiler oıyndaryn ótkizý jónindegi dırekııasynyń basshylyǵy jáne Ulttyq sport federaııalarynyń prezıdentteri qatysyp, atqarylyp jatqan jumystary týraly baıandama jasady, dep habarlady Týrızm jáne sport mınıstrliginiń baspasóz qyzmeti.

Jıynda sóz alǵan Ermek Marjyqpaev memleket basshysy Qasym-Jomart Toqaevtyń «Egemen Qazaqstan» gazetine suhbatynda Dúnıejúzilik kóshpendiler oıyndaryn ótkizý – elimiz úshin mańyzdy sporttyq is-shara ekenin erekshe atap ótkenin jetkizdi.

Oıyndardyń bastalýyna bir jyldan az ýaqyt qaldy. Memleket basshysynyń tapsyrmasyna sáıkes, V Dúnıejúzilik kóshpendiler oıyndaryn tıisti deńgeıde uıymdastyrýmyz qajet. Búginge deıin qandaı sharalar atqaryldy, alda qandaı mindetter tur, sonymen qatar qandaı máseleler bar ekenin anyqtaýymyz qajet. Oıyndarǵa daıyndyq jaǵdaıyna keler bolsaq, ázirge is-sharalar jospar boıynsha júrgizilýde. Ulttyq sport túrlerinen qurama komandalardyń daıyndyǵy joǵary deńgeıde ótýi kerek. Sonymen qatar sportshylarǵa sapaly jaǵdaı jasap, qarjy máseleleri tolyq sheshilýge tıis, — dedi mınıstr.

V Dúnıejúzilik kóshpendiler oıyndary aıasynda elimizge álemniń 100-den astam elinen delegaııa keledi dep josparlanyp otyr. Oıyndardyń biregeıligi – sporttyq, mádenı jáne ǵylymı baǵdarlamalardyń ushtasýynda. Baǵdarlamaǵa 20 jarystyq jáne 10 kórneki sport túri kirip, 110 medal jıyntyǵy oınatylady. Jarys at sporty, ulttyq kúres, sadaq atý, qustarmen ań aýlaýdyń túrleri, dástúrli zııatkerlik oıyndar boıynsha ótedi.

Qazirgi ýaqytta dúbirli dodaǵa qatysatyn sportshylardyń tizimi, 2024 jylǵa arnalǵan sporttyq-buqaralyq is-sharalardyń biryńǵaı respýblıkalyq kúntizbesine kiretin sport túrleri boıynsha jarystardyń tizbesi bekitildi. Oıyndarǵa daıyndyq sheńberinde ulttyq qurama komandalardyń sportshylary 2024 jylǵy qańtardan bastap 13 halyqaralyq, 39 jergilikti oqý-jattyǵý jıyndaryna jáne 17 respýblıkalyq jáne 23 halyqaralyq jarysqa qatysady.