SportPress.kz قازاقستان سپورت جاڭالىقتارى
بوكستان قازاقستاننىڭ ۇلتتىق قۇراماسى يتاليانىڭ بۋستو-ارسيتسيو قالاسىندا وتەتىن ليتسەنزيالىق تۋرنيرگە دايىندىعىن باستاپ كەتتى. بۇل جارىستا جەڭىمپاز اتانعاندار وليمپياداعا ليتسەنزيا الادى.
قازىر الماتىدا تۋرنيرگە دايىندىق بولىپ جاتىر. بوكسشىلار الدىمەن جالپى دەنە جاتتىعۋىن جاساپ، سودان كەيىن ارنايى فيزيكالىق دايىندىقتى باستايدى.
وقۋ-جاتتىعۋ جيىنىندا قازاقستان قۇراماسى يران جانە ازەربايجان سپورتشىلارىمەن بىرىگىپ جاتتىعادى.
يتالياداعى ليتسەنزيالىق تۋرنير 29 اقپان مەن 12 ناۋرىز ارالىعىندا وتەدى.
ازىرشە بوكسشىلاردا ەكى جولداما بار. ونى ازيا ويىندارىندا قامشىبەك قوڭقاباەۆ پەن كارينا يبراگيموۆا جەڭىپ الدى.
داستان كەنجالين،
استانا
