IV قىسقى جاسوسپىرىمدەر وليمپياداسىنىڭ اشىلۋ سالتاناتى باستالدى (ۆيدەو)

وڭتۇستىك كورەيانىڭ كانۆون قالاسىندا IV قىسقى جاسوسپىرىمدەر وليمپياداسىنىڭ اشىلۋ سالتاناتى باستالدى. 

ونىڭ اشىلۋ ءراسىمى كاننىن قالاسىنداعى Gangneuung Oval سپورت كەشەنىندە بولىپ جاتىر. بۇل جەردە كونكيمەن جۇگىرۋ سپورتىنان جارىستار ۇيىمداستىرىلادى.

قازىر سپورت كەشەنىندە الەمنىڭ تۇكپىر-تۇكپىرىنەن كەلگەن ەلدەردىڭ سپورتشىلارى ءوز مەملەكەتتەرىنىڭ تۋىن كوتەرىپ، قۇرامالارىن تانىستىرۋعا دايىندالىپ وتىر.

ترانسلياتسيا Olimpics.com ۆەب-سايتىنان بەرىلىپ جاتىر.

كورەيا رەسپۋبليكاسىندا ۇيىمداستىرىلاتىن IV قىسقى جاسوسپىرىمدەر وليمپياداسى 19 قاڭتار مەن 1 اقپان ارالىعىندا كانۆون پروۆينتسياسىنىڭ كاننىن قالاسىندا بولادى.

وليمپيادانىڭ جابىلۋ سالتاناتى 1 اقپاندا كاننىنداعى Gangneung Olympic Park سپورت كەشەنىندە وتەدى دەپ جوسپارلانعان.

كانۆون-2024 ويىندارىنا 14 پەن 17 جاس ارالىعىنداعى الەمنىڭ 70 ەلىنەن 1800 سپورتشى قاتىسادى. مۇندا 7 سپورت ءتۇرىنىڭ 15 باعدارلاماسى  بويىنشا 81 مەدال جيىنتىعى ساراپقا سالىنادى.

داستان كەنجالين،

استانا