Kanvon-2024:Qazaqstan hokkeıshileri jartylaı fınalǵa shyqty

Ońtústik Koreıanyń Kanvon provınııasynda qysqy sport túrlerinen ótip jatqan IV jasóspirimder Olımpıadasynyń tórtinshi jarys kúni hokkeıden Qazaqstan qurama komandasy Ispanııa men Ulybrıtanııa quramasyn jeńip, jartylaı fınalǵa shyqty, dep habarlady Týrızm jáne sport mınıstrligi Sportty damytý dırekııasy.

Hokkeıshiler Ispanııa komandasyn 14:4, Ulybrıtanııa jasaǵyn 22:13 esebimen jeńdi. Endi 24 qańtarda Qazaqstan men Latvııa jartylaı fınalda kúsh synasady.

Olımpıadada sporttyń basqa túrlerinen de otandastarymyz synǵa túsip jatyr.

Bıatlonnan uldar arasyndaǵy sprıntte Anton Redkın 17-oryn alsa, Kırıll Zotov 48-orynǵa ıe boldy. Al Ilııas Hasenov 77-shi bolyp márege jetti. Bul jarysqa barlyǵy 98 sportshy qatysty. Olar 7,5 km-ge júgirdi.

Munda Antonın Gaı 20 mınýt 57.7 sekýndta márege jetip, altyn júlde alsa,  Tov Roesland (Norvegııa) kúmis, Flavıo Gaı (Franııa) qola júldege ıe boldy.

6 shaqyrymǵa sozylǵan qyzdar jarysynda  Alema Karabaeva márege 57-shi bolyp kelse, Evelına Mezeneva 62-oryn aldy. Marııa Vorobeva márege jete almady. Bul jarysqa 98 sportshy qatysty.

Bul saıysta Apenın túbeginen kelgen Karlotta Gaýtero jeńiske jetti. Odan keıin Ela Sever (Slovenııa) men Polına Pýko (Ýkraına) tuǵyr satysyna kóterildi. Erteń bıatlonnan sońǵy júlde jıyntyǵy aralas estafeta saıysynda úlestiriledi.

Taý shańǵysynan gıgant slalom jattyǵýynda otandasymyz Aleksandra Skorohodova fınalda baq synap, besinshi satyǵa turaqtady. Búgin 79 atlet qatysty. Italııa ókili Djordjııa Kolom (48.42 sekýnd) chempıon atansa, Shaınne Zehnder (Shveıarııa) kúmis medal, Astrıd Hedın (Shveııa) qolaa júldeni ıelendi.

Konkımen 1500 metrge júgirýde Qazaqstan quramasy sapynan Krıstına Shýmekova jetinshi oryn aldy. Onyń ýaqyty — 2:06,47. Al Alına Shýmekova 11-orynǵa ornalasty.

Búgin Nıderland sportshysy Angel Daleman qarsylas shaq keltirmeı, eki altyn júldeni jeńip aldy.  Kúmis júldeni Iýngı Lýı (Qytaı), qola medaldi Polsha atleti Anna Mazýr ıelendi.

Uldar arasynda Rýslan Janádilov segizinshi orynnan kórinse, Mıhaıl Matrıýhın 17-orynda qaldy. Munda Fınn Sonnekalb top jarsa, Qytaı sportshysy Baoshın Pan ekinshi, Sota Kýbo (Japonııa) úshinshi oryndy qanaǵat tutty.

Sporttyń bul túrinen kelesi jarys 25 qańtarda ótedi.

Qazir Qazaqstan delegaııasy 1 altyn, 1 qola medalmen jalpy esepte 13-satyda tur. Kósh basynda turǵan Italııanyń 7 altyn júldesi bar.

IV qysqy jasóspirimder Olımpıadasyn Olympics.com Youtube arnasynan kórýge bolady.