SportPress.kz قازاقستان سپورت جاڭالىقتارى
اۋستراليادا تەننيستەن جاسوسپىرىمدەر اراسىندا ءوتىپ جاتقان Australian Open تۋرنيرىندە ءامىر ومارحانوۆ شيرەك فينالىنا شىقتى، دەپ حابارلادى قازاقستان تەننيس فەدەراتسياسى.
ءامىر ومارحانوۆ ەرلەر اراسىندا قازاقستان تەننيسشىلەرىنەن العاش بولىپ ¼ فينالعا جولداما الدى. ول ءۇشىنشى اينالىمدا الەمدىك رەيتينگىدە وزىنەن ءبىر ساتى جوعارى تۇرعان وڭتۇستىككورەيالىق چاندجۋن كيمدى جەڭدى. كورەي تەننيسشىسى تىزىمدە 26-ورىندا تۇرسا، ومارحانوۆ 27-ورىندا.
ماتچقا كەلسەك، وتانداسىمىز ءبىرىنشى سەتتە 6:3 ەسەبىمەن جەڭىسكە جەتتى. ال ەكىنشىسىندە كيم ەسە قايتاردى.
ءۇشىنشى سەتتە ومارحانوۆ 19 مينۋتتا قارسىلاسىنا ەش مۇمكىندىك قالدىرعان جوق. قورىتىندى ەسەپ 6:0 بولدى.
ماتچ ءبىر ساعات جارىمنان استام ۋاقىتقا سوزىلدى.
ەندى ومارحانوۆ جارتىلاي فينالعا شىعۋ ءۇشىن جاسوسپىرىمدەر اراسىندا الەمنىڭ 25-راكەتكاسى، نيدەرلاندىق مەس روتگەرينگپەن كەزدەسەدى.
قاراعاندى تەننيس مەكتەبىنىڭ تۇلەگى ½ فينالدا كورتقا مىقتى قارسىلاسپەن شىعادى. دەگەنمەن ونى دا جەڭۋگە كۇشى جەتۋى ءتيىس.
