ارقان تارتىس فەدەراتسياسى جۇمىسىن باستادى

ەلىمىزدە جاڭادان قۇرىلعان ارقان تارتىس فەدەراتسياسى جۇمىسىن باستادى. بۇل ويىن الەمنىڭ 75 ەلىندە رەسمي سپورت رەتىندە تىركەلىپ، جۇيەلى جۇمىس ىستەپ كەلەدى. حالىقارالىق ارقان تارتىس فەدەراتسياسى حالىقارالىق وليمپيادا كوميتەتىمەن تانىلىپ، بۇگىندە تاسى ورگە دومالاعان سپورت ءتۇرى بولىپ وتىر.

ارقان تارتىس فەدەراتسياسىنىڭ مالىمەتىنە قاراعاندا، ارقان تارتىس دۇنيەجۇزىلىك كوشپەندىلەر ويىندارىنىڭ نەگىزگى باعدارلاماسىنا ەنگەن.

جاقىندا جاڭادان قۇرىلعان رەسپۋبليكالىق فەدەراتسيا پرەزيدەنتى بولىپ ەركەبۇلان ءىلياسوۆ تاعايىندالدى.

ول Alageum Electric ديرەكتورلار كەڭەسىنىڭ توراعاسى، «قازاقستاننىڭ ەلەكتر ماشينالارىن جاساۋ قاۋىمداستىعى» زتب باسقارما توراعاسى، YPO Kazakhstan مۇشەسى. 2023 جىلدان بەرi «جامبى اتۋ فەدەراتسياسى» رقب پرەزيدەنتi قىزمەتiن اتقارىپ كەلەدi.

فەدەراتسيانىڭ دامۋ باعىتى بويىنشا ۆيتسە-پرەزيدەنتى بولىپ قازاقستان رەسپۋليكاسىنىڭ ەڭبەك سىڭىرگەن جاتتىقتىرۋشىسى، سپورت قايراتكەرى نۇرلان جاباەۆ، ۇيىمنىڭ سپورت جونىندەگى ۆيتسە-پرەزيدەنتى قىزمەتىنە ۇلتتىق جانە ات سپورتى تۇرلەرى ورتالىعىنىڭ ديرەكتورى باقداۋلەت ءسابيتوۆ تاعايىندالدى.

تاۋيا ارادا فەدەراتسيا استانادا وتەتىن V دۇنيەجۇزىلىك كوشپەندىلەر ويىنىنا ارقان تارتىستان قاتىساتىن ەل قۇراماسىن جاساقتاۋدى كوزدەپ وتىر. وسىعان وراي ەلىمىزدىڭ بەس ايماعىندا ىرىكتەۋ جارىستار وتەدى.

جارىس ءىى كەزەڭنەن تۇرادى. ءبىرىنشى كەزەڭدە ايماقتىق جارىستار بولادى. وندا ورتالىق، سولتۇستىك، شىعىس، باتىس، وڭتۇستىك وڭىرلەردە ىرىكتەۋ سايىستار ۇيىمداستىرىلادى.

ەكىنشى كەزەڭدە وسى ىرىكتەۋ دودالارىندا جەڭگەن كوماندالارا فينالدا كۇش سىناسادى.

ءار ايماقتىق ىرىكتەۋدە جەڭىمپاز اتانعان كوماندالار فينالدىق كەزەڭگە جولداما الادى. ورتالىق ايماقتىڭ ىرىكتەۋ سىنى 13 اقپاندا استانادا، سولتۇستىك ايماقتىڭ ىرىكتەۋ جارىسى 17 اقپاندا كوكشەتاۋ قالاسىندا بولادى. سول سياقتى 20 اقپاندا سەمەيدە شىعىس ءوڭىرىنىڭ ىرىكتەۋ ءتۋرنيرى،  24 اقپاندا اتىراۋدا  باتىس ءوڭىردىڭ باسەكەسى، 28 اقپاندا تاراز قالاسىندا وڭتۇستىك ايماقتىق ىرىكتەۋ دوداسى بولسا، 6-7 ناۋرىزعا فينال جوسپارلانىپ وتىر. ول ارينە، استانادا بولادى، — دەلىنگەن حابارلامادا.

ەرلەر اراسىندا ارقان تارتىسىنا 8 سپورتشى، 2 الماستىرۋشى سپورتشى قاتىسادى. ولاردىڭ ءبارىن قوسقاندا كوماندانىڭ سالماعى 720 كەلى بولۋى ءتيىس. ايەلدەردىڭ ارقان تارتىسىنا دا 8 سپورتشى، 2 الماستىرۋشى سپورتشى قاتىستىرىلادى. بارلىق سپورتشىنىڭ سالماعىن قوسقاندا 560 كەلى بولۋى كەرەك.