Arqan tartys federaııasy jumysyn bastady

Elimizde jańadan qurylǵan Arqan tartys federaııasy jumysyn bastady. Bul oıyn álemniń 75 elinde resmı sport retinde tirkelip, júıeli jumys istep keledi. Halyqaralyq arqan tartys federaııasy halyqaralyq Olımpıada komıtetimen tanylyp, búginde tasy órge domalaǵan sport túri bolyp otyr.

Arqan tartys federaııasynyń málimetine qaraǵanda, arqan tartys Dúnıejúzilik kóshpendiler oıyndarynyń negizgi baǵdarlamasyna engen.

Jaqynda jańadan qurylǵan respýblıkalyq federaııa prezıdenti bolyp Erkebulan Ilııasov taǵaıyndaldy.

Ol Alageum Electric dırektorlar keńesiniń tóraǵasy, «Qazaqstannyń elektr mashınalaryn jasaý qaýymdastyǵy» ZTB basqarma tóraǵasy, YPO Kazakhstan múshesi. 2023 jyldan beri «Jamby atý federaııasy» RQB prezıdenti qyzmetin atqaryp keledi.

Federaııanyń damý baǵyty boıynsha vıe-prezıdenti bolyp Qazaqstan Respýlıkasynyń eńbek sińirgen jattyqtyrýshysy, sport qaıratkeri Nurlan Jabaev, uıymnyń sport jónindegi vıe-prezıdenti qyzmetine Ulttyq jáne at sporty túrleri ortalyǵynyń dırektory Baqdaýlet Sábıtov taǵaıyndaldy.

Taýıa arada federaııa Astanada ótetin V Dúnıejúzilik kóshpendiler oıynyna arqan tartystan qatysatyn el quramasyn jasaqtaýdy kózdep otyr. Osyǵan oraı elimizdiń bes aımaǵynda irikteý jarystar ótedi.

Jarys II kezeńnen turady. Birinshi kezeńde aımaqtyq jarystar bolady. Onda ortalyq, soltústik, shyǵys, batys, ońtústik óńirlerde irikteý saıystar uıymdastyrylady.

Ekinshi kezeńde osy irikteý dodalarynda jeńgen komandalara fınalda kúsh synasady.

Ár aımaqtyq irikteýde jeńimpaz atanǵan komandalar fınaldyq kezeńge joldama alady. Ortalyq aımaqtyń irikteý syny 13 aqpanda Astanada, Soltústik aımaqtyń irikteý jarysy 17 aqpanda Kókshetaý qalasynda bolady. Sol sııaqty 20 aqpanda Semeıde Shyǵys óńiriniń irikteý týrnıri,  24 aqpanda Atyraýda  Batys óńirdiń básekesi, 28 aqpanda Taraz qalasynda Ońtústik aımaqtyq irikteý dodasy bolsa, 6-7 naýryzǵa fınal josparlanyp otyr. Ol árıne, Astanada bolady, — delingen habarlamada.

Erler arasynda arqan tartysyna 8 sportshy, 2 almastyrýshy sportshy qatysady. Olardyń bárin qosqanda komandanyń salmaǵy 720 keli bolýy tıis. Áıelderdiń arqan tartysyna da 8 sportshy, 2 almastyrýshy sportshy qatystyrylady. Barlyq sportshynyń salmaǵyn qosqanda 560 keli bolýy kerek.