ازيا كۋبوگى: تاجىكستان شيرەك فينالعا شىقتى (ۆيدەو)

كاتاردا فۋتبولدان ءوتىپ جاتقان ازيا كۋبوگىندا سەنساتسيا بولدى. تاجىكستان قۇراماسى 1/8 فينالدا بىرىككەن اراب امىرلىكتەرىن پەنالتي سەرياسىندا جەڭىپ، شيرەك فينالعا شىقتى.

وسى دوداعا تاجىكستان قۇراماسى العاش رەت قاتىسىپ جاتىر. تاجىك ەلىنىڭ فۋتبولشىلارى ازيا كۋبوگى جولىنداعى تۋرنيردە پلەي-وففقا ءوز توبىندا الاڭ يەلەرى -كاتاردى عانا العا جىبەرىپ، ەكىنشى ورىنمەن جولداما العان ەدى. ەندى مىنە، ورتا ازيا كومانداسى ءباا-مەن ويىندا نەگىزگى ۋاقىتتا 1:1 ەسەبىمەن تەڭ تارقاسىپ، پەنالتي سەرياسىندا 5:3 ەسەبىمەن باسىم ءتۇستى.

ەندى باس جاتتىقتىرۋشى پەتار شەگرتتىڭ كومانداسى يراك پەن يوردانيانىڭ ۇلتتىق قۇرامالارى اراسىنداعى ماچتىڭ جەڭىمپازىمەن كەزدەسەدى. ماتچ بۇگىن بولادى. بۇگىن كاتار مەن پالەستينانىڭ قۇرامالارى دا كەزەدسەدى.

1/8 فينالدىڭ باسقا ويىندارىندا اۋستراليا يندونەزيانى 4:0 جەڭدى. اۋستراليا شيرەك فينالدا ساۋد ارابياسى-وڭتۇستىك كورەيا ماتچىندا جەڭگەن كوماندامەن وينايدى. بۇل ماتچ 30 قاڭتاردا بولادى.

31 قاڭتاردا باحرەين مەن جاپونيا، يران مەن سيريا كوماندالارى كۇش سىناسادى.

10 اقپاندا فينال بولادى. سول كۇنى سارىقۇرلىقتىڭ بيىلعى كۋبوگىنىڭ يەگەرى انىقتالادى.

داستان كەنجالين،

استانا