تاعى ءبىر قازاق فايتەرى UFC-گە قوسىلدى (ۆيدەو)

جەكپە-جەك شەبەرى بەكزات الماحان UFC-مەن كەلىسىمشارتقا قول قويدى. ول الەمدەگى ەڭ مىقتى پروموۋشەندە جەڭىل سالماقتا، ياعني 61 كەلى سالماقتا وكتاگونعا شىعادى.

قازىر UFC-دە بۇل سالماقتىڭ چەمپيونى – امەريكالىق شون و’مەللي. ونىڭ جاسى 29-دا. بيىل ول وتىزعا كەلەدى. بۇعان دەيىن سەرگەي موروزوۆ تا قازاقستانننىڭ اتىنان وسى سالماقتا توبەلەسكەن.

بەكزات الماحانعا كەلسەك، ونىڭ جاسى 26-دا. ول وسىعان دەيىن 18 رەت جەكپە-جەككە شىعىپ، بىرەۋىندە عانا قارسىلاسىنان جەڭىلگەن. 13 جەكپە-جەكتى نوكاۋتپەن اياقتاعان. بەكزات سوڭعى ەكى جىلدا OCTAGON ۇيىمداستىراتىن جەكپە-جەك كەشتەرىندە كۇش سىناستى. سونىمەن بىرگە Bushido Qazaqstan، Zhekpe Zhek، رەسەيدىڭ MMA Series پەن ءباا-ءنىڭ UAE Warriors تۋرنيرلەرىنە قاتىستى.

فايتەر تۋرالى تاعى ءبىر دەرەكتى ايتساق، ول مما-مەن 17 جاسىنان باستاپ اينالىسا باستاعان. ال نەگىزگى سپورتى – كاراتە. قازىر ونى مما-نىڭ اتى اڭىزعا اينالعان مامانى دانەش دۇنگەنباەۆ جاتتىقتىرادى.

بەكزات – دانەش دۇنگەنباەۆتىڭ UFC-گە شىققان ەكىنشى شاكىرتى. بۇعان دەيىن ازات ماقسۇم UFC-مەن كەلىسىمشارتقا قول قويىپ، ءبىر رەت جەكپە-جەككە شىققان ەدى.

4 اقپاندا ازات ماقسۇم امەريكالىق چارلز دجونسونمەن وكتاگونعا شىعادى. امەريكالىق فايتەر دە OCTAGON-نان UFC-گە كەلگەن.

داستان كەنجالين،

استانا