Qazaqstan alǵash ret sý sportynan altyn júlde aldy

Katardyń astanasy – Doha qalasynda sý sporty túrlerinen ótip jatqan álem chempıonatynda elimizdiń sportshylary alǵash ret altyn júldeni jeńip aldy.

Týrızm jáne sport mınıstrligi Sportty damytý dırekııasynyń habarlaýynsha, Edýard Kım men Narǵyz Bolatova juby tehnıkalyq baǵdarlamada chempıon atanyp, ánuranymyzdy shyrqatty. Ulttyq quramanyń qos sportshysy fınalda 228,0050 upaı jınady. Tóreshiler baǵdarlama qıyndyǵy jaǵynan olardyń ónerin joǵary baǵalady (31.5000 ball). Bul – Qazaqstan ókilderiniń sý sporty túrlerinen álem chempıonatynda jeńip alǵan alǵashqy altyn medali. Birinshi júldeni byltyr Japonııada ótken álem chempıonatynda tehnıkalyq baǵdarlamada Edýard Kım jeńip alǵan bolatyn. Ol qola medalıst boldy.

Kúmis medal Qytaı quramasyna (Ventao Chen men Haoıýı Shı), qola júlde Meksıka komandasyna (Mıranda Hımenes pen Dıego Karrılo) buıyrdy.

Edýard Kım pen Narǵyz Bolatova aldaǵy kúnderi Qazaqstan qorjynyn taǵy bir júldemen tolyqtyra alady. Ol úshin erkin baǵdarlamada osy qarqynnan taımaýy kerek.

Qazir Qazaqstan jalpy esepte 1 altyn júldemen 5-orynǵa kóterildi. Kósh basynda Qytaı tur.

Jalpy, Álem chempıonatynda 17 memleket júldege ıe boldy.

Dastan KENJALIN,

ASTANA