SportPress.kz قازاقستان سپورت جاڭالىقتارى
گەرمانيانىڭ درەزدەن قالاسىندا ءوتىپ جاتقان شورت-ترەكتەن الەم كۋبوگىنىڭ بەسىنشى كەزەڭىندە ءادىل عالياحمەتوۆ 1000 مەترگە جارىستىڭ فينالىندا باق سىناپ، مارەگە ءۇشىنشى بولىپ كەلدى.
تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ حابارلاۋىنشا، ودان باسقا تاعى ءبىر وتانداسىمىز دەنيس نيكيشا جارىستا 500 مەتر قاشىقتىققا جۇگىرۋدەن مارەگە ءبىرىنشى بولىپ كەلگەنىمەن، جۇلدەسىز قالدى. ول قولىمەن قارسىلاسىنا كەدەرگى كەلتىرگەنى ءۇشىن جازالانىپ، التىن مەدالدەن ايرىلدى.
التىن مەن كۇمىس مەدال وڭتۇستىك كورەيا سپورتشىلارىنا بەرىلدى. التىن جۇلدەنى مارەگە ەكىنشى بولىپ كەلگەن پاك دجيۆون الدى. ال فينيشكە ءۇشىنشى بولىپ جەتكەن چان سۋنۆۋ ەكىنشى ورىنعا لايىق دەپ تانىلدى.
دەنيس نيكيشا جارىستى بەسىنشى ورىنمەن اياقتادى.
داستان كەنجالين،
استانا
