Ádil Ǵalıahmetov – short-trekten Álem kýbogynyń qola júldegeri!

Germanııanyń Drezden qalasynda ótip jatqan short-trekten Álem kýbogynyń besinshi kezeńinde Ádil Ǵalıahmetov 1000 metrge jarystyń fınalynda baq synap, márege úshinshi bolyp keldi.

Týrızm jáne sport mınıstrligi Sportty damytý dırekııasynyń habarlaýynsha, odan basqa taǵy bir otandasymyz Denıs Nıkısha jarysta 500 metr qashyqtyqqa júgirýden márege birinshi bolyp kelgenimen, júldesiz qaldy. Ol qolymen qarsylasyna kedergi keltirgeni úshin jazalanyp, altyn medalden aıryldy.

Altyn men kúmis medal Ońtústik Koreıa sportshylaryna berildi. Altyn júldeni márege ekinshi bolyp kelgen Pak Djıvon aldy. Al fınıshke úshinshi bolyp jetken Chan Sýnvý ekinshi orynǵa laıyq dep tanyldy.

Denıs Nıkısha jarysty besinshi orynmen aıaqtady.

Dastan KENJALIN,

ASTANA