ەلەنا رىباكينا قىتايشا قۇتتىقتاۋ ايتتى (ۆيدەو)

قازاقستاننىڭ ءبىرىنشى، الەمنىڭ ءتورتىنشى راكەتكاسى ەلەنا رىباكينا بارشا تەننيس جانكۇيەرىن قىتاي تىلىندە شىعىس كۇنتىزبەسى بويىنشا جاڭا جىل مەرەكەسىمەن قۇتتىقتادى.

بيىلعى جاڭا جىل مەرەكەسى قىتاي حالىق رەسپۋبليكاسىندا 10 اقپاندا كەلدى. ول 24 اقپانعا دەيىن جالعاسادى.

مەنىڭ اتى-ءجونىم – ەلەنا رىباكينا. بارشا تەننيس جانكۇيەرىن كەلىپ جەتكەن جاڭا جىل مەرەكەسىمەن قۇتتىقتايمىن! سىزدەرگە زور دەنساۋلىق، قاجىماس قايرات جانە ومىردە ساتتىلىك تىلەيمىن!، — دەدى ول.

كەشە ەلەنا رىباكينا كاتاردىڭ دوحا قالاسىندا WTA 1000 تۋرنيرىندە دۇنيەجۇزىلىك رەيتينگتە 57-ورىندا تۇرعان قىتايلىق تەننيسشى چجۋ لينمەن ويناپ، ءۇشىنشى اينالىمىنا شىقتى. رىباكينا ونى 6:2، 6;1 ەسەبىمەن جەڭدى.

وسىعان دەيىن قارسىلاستار ءوزارا ەكى رەت كەزدەسىپ، ءبىر-ءبىرىن جەڭگەن بولاتىن.

2019 جىلى اۋستراليا اشىق چەمپيوناتىندا قىتايلىق سپورتشى 6:2، 6:4 ەسەبىمەن باسىم تۇسسە، سول جىلى قىركۇيەكتە رىباكينا  ۋحاندا قارسىلاسىنان قارىمتا قايتاردى. سول كەزدە ماتچ 7:5، 2:6، 6:0 ەسەبىمەن اياقتالدى.

ەندى ەلەنا رىباكينا جۇلدە قورى 3،2 ملن اقش دوللارىنان اساتىن جارىستىڭ شيرەك فينالىنا شىعۋ ءۇشىن الەمنىڭ 23-راكەتكاسى، امەريكالىق ەمما ناۆاررومەن كەزدەسەدى.

داستان كەنجالين،

استانا

Happy Chinese new Year From Elena Rybakina.
Cutie!
📸: Reddit pic.twitter.com/X44mE8pTnl

— Sebastien G. (Main account was suspended) (@sebsharfam2) February 14، 2024