اقش-تاعى پارادتا اتىس بولدى (ۆيدەو)

اقش-تىڭ كانزاس-سيتي قالاسىندا فۋتبولدان Super Bowl ليگاسىنىڭ جەڭىمپاز كومانداسىنىڭ قۇرمەتىنە وتكەن شەرۋدە اتىس بولىپ، ءبىر ادام قازا تاپتى. 22 ادام جاراقات الدى، دەپ حابارلادى CNN.

اتىس يۋنيون ستەيشن ۆوكزالىنىڭ جانىندا بولدى. ءبىر ادامنىڭ قازا تاپقانى راستالدى. وقتان زارداپ شەككەندەردىڭ جالپى سانى 22-گە جەتتى، — دەپ ايتتى قالالىق پوليتسيا باسشىسى ستەيسي گرەيۆس.

Gun Violence Archive ۇيىمنىڭ مالىمەتىنە سىلتەمە جاساعان تەلەارنانىڭ حابارلاۋىنشا، زارداپ شەككەندەردىڭ اراسىندا 8 بالا بار.  بۇل — جىل باسىنان بەرى اقش-تا بولعان 48-ءشى اتىس.

كانزاس-سيتي قالاسىنداعى اتىستىڭ سەبەبى انىقتالىپ جاتىر.

پوليتسيا باسشىسى گرەيۆستىڭ ايتۋىنشا،  ۇش ادام قاماۋعا الىندى.

پاراد ۇلتتىق فۋتبول ليگاسى (Super Bowl) جەڭىمپازى «كانزاس-سيتي چيفس» كلۋبىنىڭ قۇرمەتىنە ۇيىمداستىرىلعان بولاتىن. بۇل كوماندا لاس-ۆەگاس قالاسىندا بولعان ۇلتتىق فۋتبول ليگاسىنىڭ فينالىندا «سان-فرانتسيسكو فورتي ناينەرس» كلۋبىن 25:22 ەسەبىمەن جەڭگەن.

داستان كەنجالين،

استانا

BREAKING: ‘Multiple Victims’ in Super Bowl Parade Shooting in Kansas City

• Police respond to shooting at Kansas City Chiefs’ victory rally at Union Station.

• Kansas City Fire Department confirms shooting، labels situation as «fluid.»

• Shots fired west of Union Station;… pic.twitter.com/1VZ6tbrE6u

— Breaking911 (@Breaking911) February 14، 2024