پارادزيۋدوشىلار گەرمانيادان بەس مەدالمەن كەلە جاتىر  

گەرمانيانىڭ گەيدەلبەرگ قالاسىندا قازاقستان سپورتشىلارى پارادزيۋدودان وتكەن الەمدىك گران-پري سەرياسىندا ەكى التىن مەن ءۇش قولا مەدال جەڭىپ الدى.

تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى دەنە مۇمكىندىكتەرى شەكتەۋلى ادامدارعا ارنالعان سپورتتىق دايارلاۋ ورتالىعىنىڭ حابارلاۋىنشا، فينالدىق بەلدەسۋدە 48 كەلىگە دەيىنگى  (J2) سالماقتا اقمارال ناۋاتبەك قىتاي سپورتشىسى لي ليكينگتى يپپونمەن، ال  70 كەلىدەن اسا (J2) سالماقتا بەلدەسكەن زارينا رايفوۆا كۋبالىق شەيلا سامارياندى ۆازاري ادىسىمەن جەڭىپ، ەلىمىزدىڭ قورجىنىن قوس التىن جۇلدەمەن تولتىردى.

سونىمەن قاتار -73 كگ  (J1) سالماقتا ەرعالي شامەي،  +90 (J2) كگ سالماقتا جۋركامىرزا شۇكىربەكوۆ جانە -70 كگ (J2) سالماقتا  ونەر كورسەتكەن ايالا مەرەكە جارىستىڭ قولا جۇلدەگەرلەرى اتاندى.

پارادزيۋدودان گران-پري جارىسى 17-18 اقپان ارالىعىندا گەرمانيادا جالاۋ جەلبىرەتتى.  وعان 47 مەملەكەتتەن 200-دەن استام سپورتشى قاتىستى.