Paradzıýdoshylar Germanııadan bes medalmen kele jatyr  

Germanııanyń Geıdelberg qalasynda Qazaqstan sportshylary paradzıýdodan ótken álemdik gran-prı serııasynda eki altyn men úsh qola medal jeńip aldy.

Týrızm jáne sport mınıstrligi Sport jáne dene shynyqtyrý isteri komıteti Dene múmkindikteri shekteýli adamdarǵa arnalǵan sporttyq daıarlaý ortalyǵynyń habarlaýynsha, fınaldyq beldesýde 48 kelige deıingi  (J2) salmaqta Aqmaral Naýatbek Qytaı sportshysy Lı Lıkıngti ıpponmen, al  70 keliden asa (J2) salmaqta beldesken Zarına Raıfova kýbalyq Sheıla Samarıandy vazarı ádisimen jeńip, elimizdiń qorjynyn qos altyn júldemen toltyrdy.

Sonymen qatar -73 kg  (J1) salmaqta Erǵalı Shameı,  +90 (J2) kg salmaqta Jýrkamyrza Shúkirbekov jáne -70 kg (J2) salmaqta  óner kórsetken Aıala Mereke jarystyń qola júldegerleri atandy.

Paradzıýdodan gran-prı jarysy 17-18 aqpan aralyǵynda Germanııada jalaý jelbiretti.  Oǵan 47 memleketten 200-den astam sportshy qatysty.