SportPress.kz قازاقستان سپورت جاڭالىقتارى
قازاقستاننىڭ ءبىرىنشى جانە الەمنىڭ ءتورتىنشى راكەتكاسى ەلەنا رىباكينا قاتاردىڭ دوحا قالاسىندا اياقتالعان Qatar Totalenergies Open WTA 1000 ءتۋرنيرىنىڭ ءفيناليسى اتانعاننان كەيىن WTA چەمپيوندىق كەستەسىندە ەكىنشى ورىنعا شىقتى، دەپ حابارلادى قازاقستان تەننيس فەدەراتسياسى.
جاڭارتىلعان چەمپيوندىق كەستەدە بەلارۋستىڭ سپورتشىسى ارينا سوبولەنكو 2325 ۇپايمەن كوش باستاسا، ەلەنا رىباكينا (1828 ۇپاي) ءتورتىنشى ورىننان ەكىنشى ورىنعا كوتەرىلدى.
WTA-نىڭ بۇگىن جاڭارتىلعان رەيتينگىندە العاشقى تورتتىكتە وزگەرىس بولا قويعان جوق.
پولشا وكىلى يگا شۆەنتەك، ارينا سوبولەنكو، امەريكالىق كوري گاۋفف مەن ەلەنا رىباكينا الدا كەلەدى. تاعى ءبىر قازاقستاننىڭ تەننيسشىسى يۋليا پۋتينتسەۆا 76-دان 77-گە، جىبەك قۇلامباەۆا 489-دان 491-گە، گوزال اينيتدينوۆا 745-تەن 751-گە ورىنعا ءتۇستى. ارۋجان ساعاندىقوۆا 796 ورىنعا كوتەرىلدى.
