SportPress.kz قازاقستان سپورت جاڭالىقتارى
بوكستان 2023 جىلعى وزبەكستان چەمپيوناتىنىڭ قولا جۇلدەگەرى امان قونىسبەكوۆ ەلگە قونىس اۋداردى، دەپ حابارلادى BasSport.kz.
شارشى الاڭعا 71 كەلىگە دەيىنگى سالماقتا شىعىپ جۇرگەن قانداسىمىز استانا قالاسىنا كوشىپ كەلدى. ول استانادا تۋعان اعاسىمەن بىرگە تۇرىپ جاتىر. ال بوكستان جارىستارعا تۇركىستان وبلىسىنىڭ اتىنان قاتىسادى.
قازىر امان قونىسبەكوۆ الماتىداعى وقۋ-جاتتىعۋ جيىنىندا ءجۇر. وسى جەردە بوكسشى ەلىمىزدىڭ ۇلتتىق قۇراماسىمەن ەتەنە ارالاسىپ كەتتى.
بىلتىر قونىسبەكوۆ وزبەكستان چەمپيوناتىنىڭ جارتىلاي فينالىندا الەم چەمپيونى اسادحۋجا مۋيدينحۋجاەۆپەن قولعاپ تۇيىستىرگەن ەدى. سول كەزدە ءۇش راۋند قورىتىندىسى بويىنشا مۋيدينحۋجاەۆ تورەشىلەردىڭ شەشىمىمەن جەڭىسكە جەتتى. بۇل ايقاستا قونىسبەكوۆ ءبىرىنشى راۋندتا قارسىلاسىن ءبىر رەت نوكداۋنعا تۇسىرگەن بولاتىن.
