О́zbekstandaǵy qazaq sportshysy elge oraldy

Bokstan 2023 jylǵy О́zbekstan chempıonatynyń qola júldegeri Aman Qonysbekov elge qonys aýdardy, dep habarlady BasSport.kz.

Sharshy alańǵa 71 kelige deıingi salmaqta shyǵyp júrgen qandasymyz Astana qalasyna kóship keldi. Ol Astanada týǵan aǵasymen birge turyp jatyr. Al bokstan jarystarǵa Túrkistan oblysynyń atynan qatysady.

Qazir Aman Qonysbekov Almatydaǵy oqý-jattyǵý jıynynda júr. Osy jerde boksshy elimizdiń ulttyq quramasymen etene aralasyp ketti.

Byltyr Qonysbekov О́zbekstan chempıonatynyń jartylaı fınalynda álem chempıony Asadhýja Mýıdınhýjaevpen qolǵap túıistirgen edi. Sol kezde úsh raýnd qorytyndysy boıynsha Mýıdınhýjaev tóreshilerdiń sheshimimen jeńiske jetti. Bul aıqasta Qonysbekov birinshi raýndta qarsylasyn bir ret nokdaýnǵa túsirgen bolatyn.